بعد الهجوم غير المبرر عليه لعدم حضوره حفل إفتتاح "مهرجان القاهرة للإعلام العربى" والذى بدأ بتكريم والده الفنان الراحل "صلاح السقا" قرر النجم أحمد السقا الرد وتوضيح الأمور كاملة لجمهوره وذلك عبر صفحته الخاصة على الفيس بوك وكتب ما يلى : صباح الخير عليكم جميعا: أنا كان عندي كام توضيح لازم أقولهم ليكم وطبعا لإنكم أهم حاجة في حياتي. أولا بخصوص مهرجان القاهرة وأن أحمد السقا ماحضرش مهرجان بلده وجرايد ومواقع كتبت كدا، أنا عايز أوضحلهم ياجماعة أنا مافيش دعوة إتوجهت ليه من مهرجان القاهرة السينمائي وأنا علي إستعداد لمواجهة أي شخص يقول إنه وجه دعوة للسقا . وبعدها ياجماعة سافرت دبي في فتره كانت 36 ساعه لإستلام جائزة أحسن ممثل عربي خلال 10 سنوات والحمد لله إتكرمت ورجعت وإتفاجأت بعدها بهجوم إن أحمد السقا راح مهرجان دبي وساب مهرجان بلده ؟؟ طيب إزاي هاروح مهرجان القاهره من غير توجيه أي دعوه ليه ؟؟ انا طولت عليكم معلش.. وثانيا بالنسبه لتكريم والدي اللي أنا ماروحتوش لأن الأهم مني بتكريم والدي هي والدتي علشان كدا هي الأحق أنها تاخد تكريمه، رحم الله صلاح السقا الفنان والأب والصديق والأخ آسف إني إتكلمت ورغيت كتيرررر ... وحسبي الله ونعم الوكيل لكل اللي يتكلم كلام أنا لا أعلم عنه شيء . كان يهمني أوي أوضح ليكم الصوره دي" سلامو عليكوا " .