سميرة سعيد تعترف بحب الوحدة والحياة البسيطة

فى مدونتها الشخصية على موقع ناس MBC كتبت الفنانة سميرة سعيد : " أنا بطبعي أحب الوحدة إلى حد ما، يمكن علشان كده دائرة الناس اللي حواليا محدودة ومش كتير أعيش حياة بسيطة جداً بكل ما للكلمة من معنى، وربما هذا ينبع من إعتقادي بأن الحياة الإجتماعية واسعة النطاق والعلاقات الإنسانية المتشعبة بشكل زائد عن الحد بتفقد الواحد تركيزه في حاجات كتيرة قوي ومنها عمله، طب إزاي وأنا كل يوم في مناسبة ولا سهرة ولا خروجات وعزومات عمال على بطال أعرف أشوف شغلي وأركز فيه بطريقة صح ومضبوطة، وفي نفس الوقت أنا برضه عاوزة أستمتع بوحدتي عاوزة أستمتع بصداقاتي المحدودة عاوزة أستمتع بالجو الأسري مع إبني وأهلي، عاوزة أستمتع بالطبيعة الحلوة اللي أنا موجودة فيها، والأهم طبعاً عاوزة أستمتع بفني، عاوزة أقعد في بيتي إسمع مزيكا حلوة، أنبسط بها ومعها..وأبسط الأشياء تسعدني وتثير بداخلي شعوراً عارماً بالسعادة والسرور، لو قاعدة مثلاً مع إبني شادي بنتكلم أو بنلعب مع بعض بأكون في قمة الفرح والسعادة لو بأتعشى مع ناس أصحابي دي بالنسبة لي متعة كبيرة ورهيبة، لما أسمع غنوة حلوة بأستمتع بها وأفرح معاها ".