عيون الأرض

هى اسمها مستوطنات
وهنعمل إيه؟!
ما الأرض مِلك
غزة.. حببيبتي.. اصرخي!
قوم ياولد.. افرد جناحك على البلد
الواد بيصرخ:
''خبيني يا أمه''.. جاي من البلد
الموت طرح..
فين الفرح؟!
وجه معاد المدرسة.. خرج الولد
لما وصل.. ملقاش مكان في المدرسة
سأل الولد: ''مبقتيش لينا المدرسة!''
رجع الولد..
لبيوت بيسكنها المرض
قلبي انقبض..
قعد الولد يأكل مع اخواته الخمسة
مسمعش منهم ولا همسة..
حتي الرضيع في اللفة.. نايم حزين
ماهو كان جنين.. والحزن راضعه من سنين
''البيت صِغِر يا أمه وعايزين بيت كبير
بيت يا أمه يشبه بيت ''كوهين''!
تملاه ورود.. حواليه شجر
بيت يا أمه بيغطيه غطا
وفيه سرير بينام عليه''
-''يابني الغطا مكشوف علينا من سنين
من عام ثمانية وأربعين
واحنا هنا من غير غطا''
قال الولد: ''عايزين ملاعب فيها نلعب بالكرة
عايزين جناين.. فيها يحلوّ الغُنا
الواد ''كوهين'' عنده كرة''
سكت الولد!
ليه بيسكنوا قصر البلد؟
واحنا ننام ع الأرصفة؟!
الفرح جوه القلب بيحتضر..
والموت على شفايف طفلة بيترسمْ
وكوهين ده.. عايش يبتسم!
صهيوني بيخاف ولا يختشيش
وان خاف.. نعيش!
خد يا ولد...
لو كنت عايز بيت حواليه شجر
افرد جناحك ع الوطن
واعمل بطل!!
ماانت اللي فاضل من الأمل
كلمتنا – مايو 2001