الهتافات الجديدة لثورة 25 يناير 2012

تمهيدا لثورة 25 يناير القادمة التي تحشد لها القوي السياسية للنزول الميدان لاستكمال الثورة، قام الثوار بتأليف بعض الشعارات الجديدة للهتاف بها أثناء نزولهم الميدان والتي تندد بحكم العسكر، ومنها:
أنا لا يسارى ولا كنت يميني ... بس العسكر طلَّع ديني
ومش هيفيدك كاب وبيادة ... إنتو جهنم واحنا شهادة
أنا لا أجندة ولا كنتاكي .... حكم العسكر ليه قسّاكي
ومش هيفيدَك غاز ورصاص ... حكم العسكر بح خلاص
يا اللي بتسأل ع التمويل ... المجلس خاين وعميل
يا اللي بتسأل عايزين إيه ... حقي وحقك عند البيه
نفسك تحكم مصر يا جيش ... كان على عيني حكم مفيش
قول لي يا مجلس مين اختارك ... يا عصابة معينها مبارك
يا طنطاوي قول لرويني .. اللي اداك الكيف يديني
ياطنطاوي اقول لك حاجة .. إحنا كمان عندنا تلاجه
اضرب نار اضرب حى ... يا طنطاوي دورك جى
و ياللي بتحبس في الثوار .... قبلك حسني عملها وغار
كما ظهرت بعض الهتافات التي تدافع عن نزول الفتيات للمظاهرات، بعدما ظهر العديد من التعليقات التي تحارب وتندد بنزول الفتيات للميدان عقب تعرية فتاة التحرير علي يد العسكر في احداث مجلس الوزراء الاخيرة .
وجاءت الهتفات لتشجع نزول الفتاة للميدان بالدفاع عن حقها وتحتج علي كل من يهاجم مشاركة الفتاة في المظاهرات ، ومن تلك الهتافات:
أيوَه انا لابسه عباية كباسين ... إيش عرفني انكو نِجْسين
احلق شنبك وارسم حاجبَك ... والنسوان هتجيبلَك حقَّك
أيوَه بنات نازلين نتظاهِر ... قصَّر يابني وهات م الآخر
وياما حريم عملوا مظاهرات ...من أيام سعد يا بهوات
ولم ينس الثوار حالة الطقس التي اتسمت بالبرودة الشديدة في الأيام الأخيرة وأعطوها جزءا من شعاراتهم، ومنها:
مش ح نسلم ولا راجعين...فى التحرير عندنا بطاطين
مسقعناش مسقعناش .... الحريه مش ببلاش
يا اللي بتسأل ع الخيام ... جرب وسط الضرب تنام
رش الماية و الألوان ...بكره نشيلك م الميدان
كما ظهرت بعض الشعارات والهتفات الوطنية التي تؤكد أن المتظاهرين مصريون وليس لهم أي توجهات سياسية أو انتماءات حزبية معينة ولكن يجمعهم حب مصر وهدفهم حماية مصر ومنها:
أنا لانا قابض ولا متموِّل ... أنا مش لاقي يا مصر أفوِّل
لا برادعاوي ولا إخوان ... مصري وبايت في الميدان
أيوَه بدقن ومش إرهابي .... ليه العسكر سرقوا شبابي
مش بلطجي ولا وش مشاكل ... بس تراب رجلِك يستاهل
الانتخابات ع العين والراس ... بس نحِس بفَرْق يا ناس
اضرب غاز اضرب خرطوش ... قلبنا ميت ما يهموش.