عدد نوفمبر من مجلة كلمتنا ...

يلا نفتح أول صفحة قلب كده ..أيوة دي الأجندة ..شوف بقى تحب تروح فين طول الشهر ..وكمل كده في "ليلي نهاري " واعرف أهم الأحداث والأنشطة اللي حصلت الشهر اللي فات وشوف كواليس حفل تخرج الجامعة الألمانية ،وتغطية لمؤتمر مايكل بوتر الأب الروحي للاستراتيجيات الحديثة في علم إدارة الأعمال، وكمان شوف ايه اللي حصل في محاضرة إبراهيم الفقي عن "فن التفاوض"..
ويلا على كمين كلمتنا وشوف الناس بتفكر في ايه ؟! والصفحة اللي قدامها خليك متابع وشوف اهم الاخبار اللي عشناها الايام الأخيرة..
لو مركبتش بقى أتوبيس نقل عام وقررت تخوض التجربة يبقى لازم تقرا مقال "ارفع ايدك انت في اتوبيس نقل عام ...وشوف بيان "عمرو خاطر " عن المواصلات ومقال " أجراااا وراا ".
وهو صحيح خلاص " اللي اختشوا ماتوا ؟! " اعرف المقال اللي جاي ....
وليه بقى كل حياتنا بقت فيس بوك وكل الموقف اللي بناخده في حياتنا هو LIKE ,UNLIKE اقرا "مقال أنا في جروب إذن أنا موجود ".
اقلب الصفحة ....
واتعرف على معنى جديد للسعادة مع "ضحكة بياع البطاطا" .
هو صحيح العلم نور ؟! اقرا المقال اللي جاي واعرف "مين اللي طفا النور ؟!
اقلب الصفحة
عيش معانا في القاهرة الفاطمية في "هنا القاهرة .
يلا بقى على ملعوبة
تعرف حاجة عن الألتراس ؟ ،ليه مواقع الأهلي والزمالك Error On Page ...
في "أصحاب ولا " أقرا تجارب مختلفة بين " يارب ماحد فيهم يحبني " و"ممكن تفهم بقى "...
"من غير حشيش لازم أعيش " تجربة واقعية في "حكاوي البيوت "
وليه بنات كتير بترضى ب" خطوبة والسلام " وايه حكاية لقب " ملكة جمال الفيس بوك "
لسه المجلة مخلصتش ..
يلا بقى على "بكره وبعده "
واقرا واعرف يعني ايه كايزن ، وأهمية ألبوم الصور في حياتنا ، واتعرف على مشروع شباب الجامعة الالمانية واختراع أول سيارة انقاذ برمائية في حوار خاص ..
واقرا مقال جديد لد.محمد أبو فرحة و " تعالى نوزنها "
ارتاح بقى وابدأ في " شوية أدب " مع الفتافيت والرباعيات والأشعار ، وحوارات مع الكلماوية "مهدي مبارك " و"محمد طه " عن ابداعتهم الجديدة "قرش حشيش " ورواية "طه الغريب "..
قبل ماتروح المكتبة اقرا ترشيحات مكتبة الديوان واتعرف على عرض لبعض الكتب الموجودة في المكتبات.
طبعاً في ستوديو اتعرف على منة شلبي وتجربتها السينمائية الجديدة في حوار مميز في " ستوديو " وكمان كواليس زيارة أحمد زاهر وبناتة لمجلة كلمتنا "،وعلى قنديل أو "عبكويم " في حوار دمه خفيف.
وعن فيلم "جوليا روبرتس " تكتب د.ماجدة خير الله .
وتابع كمان مغامرات "نياظي وعفاف " في KTV و كاريكاتير شريف عرفة
من الاخر كده العدد في الأسواااااق دلوقتي ومعاه كمان مفاجأة 2 ميجا بوستر لمنه شلبي وتامر حسني بصور جديدة خاصة بكلمتنا...