بالفيديو - سلفيو كوستا... هل تصبح نقلة في حياة المصريين

انتشرت على الفيس بوك وتويتر والعديد من التقارير في القنوات الفضائية المصرية اخبار عن مجموعة جديدة اسمت نفسها ب "سلفيو كوستا".. مين دول وليه اسمهم كدة وكويسين ولا بينخوروا في عظام البلد.. اقرا معانا وقرر بنفسك...
جروب سلفيو كوستا انشأه محمد طلبه "السلفي" وعزت طلبه "اليبرالي" وفي رأيهم ان هذا الاختلاف يقر بأننا من الممكن جدا بل من الواجب أن نتعايش (وجاءت هذه الجملة بالتحديد على لسان عزت الليبرالي في تقرير العاشرة مساءا عنهم".
وجاءت الفكرة في الاساس عن طريق موقف مضحك حدث فيما بين محمد طلبة وزميله له في اجتماع في اثناء العمل..
وقال محمد طلبه راويا قصة انشاء الجروب "انه ببساطة كان هناك اجتماعين مشاركين فيه الاول في القرية الذكية والثاني في ابراج "nile towers" في بولاق وكان فيه زميلة ستشارك في الاجتماعين وهناك وقت فراغ كبير بين الاجتماعين فعرض عليهم محمد ان يجتمعوا بين الاجتماعين في كوستا ليقوموا بالتفكير في الاجتماع الثاني.. واستغربت الزميلة قائلة "انتوا بتقعدوا في كوستا!!!"
وهنا قرر محمد طلبة ان يثبت لها الفكرة بعمل الجروب..
وقام الاخوان بعمل فيلم اسموه "أين ودني" لاثبات الفكرة.. ولاثبات ان الجميع يحتاج لان يسمع الاخر قائلا "الفيلم اسمه اين ودني اصلا علشان الناس تبتدي تسمع ، كل الناس عمالة تتكلم تتكلم تتكلم.. ده يقول شوف الليبراليين بيعملوا ايه، وده يقول شوف السلفيين بيعملوا ايه.. احنا وقفنا في النص ليبراليين سلفيين شيوعيين بتنجانيين أي حاجة علشان نقول "اسمعوا الاول" شغلوا ودانكم"
ومؤخرا اثبتوا الفكرة مرة أخرى بعمل مباراة كرة قدم بينهم وبين مجموعة من المسيحيين ونشر عنها تقرير في قناة ال CBC في فيديو سادته الكوميديا والروح النقية بين جميع الاطراف.
في النهاية... ايه رأيك؟
تقرير قناة العربية تقرير العاشرة مساءا مباراة السلفيين والمسيحين