بالصور.. سخرية شبابية من أغرب العادات الرمضانية على "فيسبوك"

رغم الاحتقان السياسى الذى سبق شهر رمضان، ولا يزال مستمرًا حتى الآن، إلا أن النقاشات السياسية الحادة، والاختلافات تلاشت تقريبًا على مواقع التواصل الاجتماعى وحل مكانها تعليقات ساخرة عن الكثير من التصرفات المضحكة أو الغريبة التى يمارسها الكثيرون فى رمضان، كما انتقدوا من خلال عدد من "الكوميك" الساخرة والتعليقات الممارسات الخاطئة التى يرتكبها الكثيرون فى رمضان فكتبوا يقولون "فى ناس بتبقى فاكرة إنها هى لوحدها اللى صايمة فى العالم، كل ما تطلب منهم حاجة يقولك أنا صايم أنا صايم.. حد يقولهم إن دا صيام مش إعاقة"، و"على فكرة اللهم إنى صائم بتتقال عشان متشتمش.. مش تشتم وبعدها تقول اللهم إنى صائم"، و"مع الثالث من رمضان اكتشفت أن الشياطين مالهمش دعوة بحاجة.. بنو آدم هم اللى المفروض يتسلسلوا". وبينما تكلم الكثيرون عن شعورهم بالجوع والعطش، خاصة مع تزامن شهر رمضان مع الصيف، انتقدهم آخرون قائلين "يا ريت أصدقائى الحلوين عشان رمضان يعدى لطيفا وخفيفا كده بلاش كل يوم استايس أنا عطشان وأنا جعان... والمغرب امتى بقى وكده يعنى اللى مش قادر على الصيام ميصومش واللى مش عايز برضو ميصومش، بس بلاش حركات كل سنة دى" و"المجد لكل واحد لسة ما قالش إنه عطشان". هذا إضافة إلى الصور الكوميدية التى ابتكرها الشباب خصيصًا من أجل رمضان، ومنها: