حكفر بحبك فكرك ايه !! .. كلمات : د. نبيلة المليجي

بحبك يا نن عيني .. بحبك
بحبك يا سمار لوني
بحبك يا رعرعة عمري
بحبك بصبرك وطيبتك
بحبك بمجدك وحضارتك
بحبك يا مهدي ولحدي
وبحبك لانك امي وابويا واخويا واختي
واحبك لانك جاري وصحبي واستاذي كمان
ياحلوة وغنوة لكل اللي جاي
ولحن اتقسم علي الكمان
بحبك وحبك وجودي وكياني
وباسمك يتباهي بيكي ف زماني
ياوردة ونادية وعطر الزمان
ياروضة وجنة لكل حيران
يا نسمة وفلة وروح النعناع
بحبك بشوقي وروحي كمان
وربي ..دايما.. يزيدك امان
بحفظه وصونه وعزته كمان
يا مصر ياأم الدنيا ياغالية وعاليه بولادك كمان
اتغربت ياما وقلت ممكن
لقيت حبك اقوي من كل ممكن
قمر في ليلي وشمس في نهاري
ونيلك هو دمي
ليقتك معايا بكل حنان
كل دقة بقلبي بتقولك يا مصر
قاسيتي وصبرتي وليكي النصر
ولادك حبايبك ... شهداء الحق
وعدوكي وهادوكي ارواحهم بجد
يا مهد الطفولة ودرب الشباب
بحبك بعمري لحين الممات
لقيتك صبية رائعة الجمال
وعجوز فاتنة قاهرة الاعداء
بهرمك وسدك ونيلك كمان
لقيت بين حشاكي ترعرع خراب
يشدك بقوة لطريق الظلام
صبرتي عليهم وقولتي بلاش
ندمع عنيهم لسنين طوال
لقتني بقول في نفسي لنفسي
يا خبر هو انا مليت ولا ايه
طهقت يعني ولا ايه !!
حكفر بحبك فكرك ايه !!