ايتها النخبة ،اين ذهبت النخوة؟! طالعين مع الطالع ونازلين مع النازل وبعضهم مع اللي يدفع -ومش مهم -لما تولع او مع الاكثر في الميدان ناس في التحرير ، وناس في العباسيه وناس مع الحكومة ،وناس مع الشهداء وناس مع الجنزوري ، وناس مع اللي بيتقال ضده وناس مع الشباب ،امام مجلس الوزراء وعملنا زي زمان ،بالضبط لما كان الكلام لا يقترب من حسني او يطول من حوله من قبيلة الحكم تحول الامر لعدم الاقتراب من ،الثوار واصبحت الديمقراطية كل اللي يتكلم عن اللي فات و يعقد مجرد مقارنة بسيطة و لو بحسن نية يصبح من الفلول وكل من يقترب من الثوار ، ياويله فهو خائن للدم !! واللي ينتقد اي حاجه بيقولها الشباب او يعملوها يبقي معندوش دم والغالبية منك يا نخبة للاسف اصبحوا شعراء المدح و والبعض احترف الهجاء ا- وارزاقهم -مرة من المدح ومرة من الذم كان نفسي اشوف ناس جديده لهم افكار جديدة للبناء وليس للنفاق والهدم بلد مليانه عجب بعضهم يقول محرم وبعضهم يقول رجب وانتهي الكلام في السلام والتنمية والبناء وبقي الكلام في الخلافات هو الضجة الكبري و تناسي الجميع السعي الي الاتفاق و ما يمكن ان نبني عليه لنعيد للبلد صوتها و صورتها وروحها الجميلة التي ذكرها الله في القران و التوراة الانجيل ..اذكركم باسمها انها مصر عطا رومان قلندول ملوي - المنيا