الأمل في بگرة

قام الزميل الفنان احمد هيمن بعمل مسابقة علي الفيس بوك تهدف للخروج من حالة التشاؤم التي اصابت معظم المصريين .. وفي السطور القادمة نقدم تفاصيل هذه المسابقة .
"بلدنا بتمر بمرحلة صعبة، بمفترق طرق، بتوقيت مصيري حيشكل وجودها ومستقبلها... ناس كتير متشاءمة، شايفين المستقبل مظلم، شايفين ان مصر متجهة من چسئ لأسوأ وإن مفيش أمل في بكره... إحنا هدفنا نقاوم الإحساس ده، مانخليهوش يغلبنا ويهزمنا ويحبطنا.. الإحساس بالتشاؤم عمره ماحيفيدنا، عمره ماحيخلينا نبص لقدام، عمره ماحيخلينا نبني ونتقدم ونعمر ونفكر.. المسابقه عنوانها هو "الأمل"، الأمل في مستقبل أفضل، ...الأمل في إن بكره هيبقي أحسن من النهارده، الأمل ان بلدنا ماشية في الطريق السليم وانها مش محتاجة مننا أكتر من شوية جهد وشوية صبر وحب وإخلاص الأمل ده ممكن نشوفه في كذا صورة..ممكن نشوفه في ولد صغير ماسك كتاب وبيقراه، في بنت بترسم لوحة جميلة، في شباب نشيط وإيجابي بيتحرك وبينزل الشوارع والقري والمناطق الشعبية، بيعمل خير، بيقدم دروس في محو الأمية، بيعمل توعية سياسية وثقافية وفنية. الأمل ممكن نشوفه في راجل بيساعد ست كبيرة انها تعدي الشارع، ممكن نشوفه في عمل جماعي، في ناس واقفه مع بعضها قدامها هدف واحد ونفسها تحققه، الأمل ممكن نشوفه في اتحادنا رغم اختلافنا، في تقبلنا للأخر، في تعايشنا، في تألفنا، في ابتسامة حلوة، في مولود بيتولد، في أطفال بيجروا وبيلعبوا ويضحكوا.. ماتقللش أبداً من قيمة صورة بهذا المعني، ماتتخيلش صورة زي ديه ممكن يكون تأثيرها إزاي، ممكن تدي للناس أمل قد إيه...شارك في هذا العمل، شارك في صناعة الأمل، في رسم صورة مختلفة لمصر...ساهم في صناعة حلم جديد للمصريين، سجل بكاميرتك مشهد تحب أن تراه في كل مكان في بلدك، قدم للناس مثل وقدوة وساعدهم يشوفوا بعينيهم صورة هما مش شايفينها، وأمل هما مش حاسين بيه.. شروط المسابقة المسابقة مخصصةٌ لعشاق التصوير الفوتوغرافي سواء كانوا محترفين أو هواه وليس هناك حدٌ أدني لأعمار المشاركين. الصورة المقدمة ممكن معالجتها باستخدام برامج الكمبيوتر، ويلزم تحويلها إلي تنسيق JPG أو PNG قبل إضافتها علي الموقع.
ويمكن للمشاركين إضافة أي عددٍ من الصور.