أمل فى بكرة ..مسابقة جديدة للتصوير على الفيس بوك

تحت اسم " امل فى بكرة " انطلقت مسابقة للتصوير الفوتوغرافى على الفيس بوك من اجل نشر الامل لدى المصريين فى المستقبل .
كتب المسئولون عن المسابقة على صفحتهم :
أمل فى بكره بلدنا بتمر بمرحلة صعبة، بمفترق طرق، بتوقيت مصيرى حيشكل وجودها ومستقبلها... ناس كتير متشاءمة، شايفين المستقبل مظلم، شايفين ان مصر متجهة من سئ لأسوأ وإن مفيش أمل فى بكره... إحنا هدفنا نقاوم الإحساس ده، مانخليهوش يغلبنا ويهزمنا ويحبطنا.. الإحساس بالتشاؤم عمره ماحيفيدنا، عمره ماحيخلينا نبص لقدام، عمره ماحيخلينا نبنى ونتقدم ونعمر ونفكر.. المسابقه عنوانها هو "الأمل"، الأمل فى مستقبل أفضل، الأمل فى إن بكره هيبقى أحسن من النهارده.
الأمل ان بلدنا ماشية فى الطريق السليم وانها مش محتاجة مننا أكتر من شوية جهد وشوية صبر وحب وإخلاص الأمل ده ممكن نشوفه فى كذا صورة..ممكن نشوفه فى ولد صغير ماسك كتاب وبيقراه، فى بنت بترسم لوحة جميلة، فى شباب نشيط وإيجابى بيتحرك وبينزل الشوارع والقرى والمناطق الشعبية، بيعمل خير، بيقدم دروس فى محو الأمية، بيعمل توعية سياسية وثقافية وفنية. الأمل ممكن نشوفه فى راجل بيساعد ست كبيرة انها تعدى الشارع، ممكن نشوفه فى عمل جماعى، فى ناس واقفه مع بعضها قدامها هدف واحد ونفسها تحققه، الأمل ممكن نشوفه فى اتحادنا رغم اختلافنا، فى تقبلنا للأخر، فى تعايشنا، فى تألفنا، فى ابتسامة حلوة، فى مولود بيتولد، فى أطفال بيجروا وبيلعبوا ويضحكوا.. ماتقللش أبداً من قيمة صورة بهذا المعنى، ماتتخيلش صورة زى ديه ممكن يكون تأثيرها إزاى، ممكن تدى للناس أمل قد إيه...شارك فى هذا العمل، شارك فى صناعة الأمل، فى رسم صورة مختلفة لمصر...ساهم فى صناعة حلم جديد للمصريين، سجل بكاميرتك مشهد تحب أن تراه فى كل مكان فى بلدك، قدم للناس مثل وقدوة وساعدهم يشوفوا بعينيهم صورة هما مش شايفينها، وأمل هما مش حاسين بيه..
من اهم شروط المسابقة :
- ان المسابقة مخصصةٌ لعشاق التصوير الفوتوغرافي سواء كانوا محترفين أو هواه وليس هناك حدٌ أدنى لأعمار المشاركين.
- الصورة المقدمة ممكن معالجتها باستخدام برامج الكمبيوتر، ويلزم تحويلها إلى تنسيق JPG أو PNG قبل إضافتها على الموقع.
-يمكن للمشاركين إضافة أي عددٍ من الصور، ولكن بسبب الاقبال الشديد على المسابقة تم تقليص عدد الصور الى صورتين فقط .
- الصور يتم ارسالها على إيميل مسابقة أمل في بكره "Photographycompetitioncompetition@gilimag.com"
- سيتم بعد ذلك نشر الصورة فى الألبوم واختيار الصورة الفائزة من خلال عدد الأصوات (Like)
- الصورة التي ستحظى بأكبر عددٍ من الإعجابات (Like) ستحصل على جائزة المركز الأول!
الجائزة المقدمة للفائز فى المسابقة :
الحاصل على المركز الأول يحصل على عروسة ماريونيت على شكله أو على شكل شخص بيحبه مقدمة من Batro Puppets.
أما صاحب المركز التانى فيحصل على تى شيرت يحمل أفضل عشر صور فى المسابقة فى تصميم فنى مبتكر وسوف ينشر ألبوم الصور الفائزة على موقع جيلى ماجwww.gilimag.com
آخر موعدٍ لإضافة الصور هو: 1-11-2011