" كايدينهم" ..جيش تويتر لاسترداد مصر !

دشنت الكاتبة و الناشطة جيهان جابر حركة " كايدينهم " علي مدونتها الخاصة " حكايات شهرزاد " ، ثم دشنت هاشتاج و حساب علي موقع التدوينات القصيرة " تويتر " بذات الاسم " كايدينهم " ، و قالت ان اهداف الحركة هي مقاومة السلبيه والاستسلام ،و محاربة التطرف والعنصرية بالتوعية الوطنية ، و ضد المحسوبيه والواسطة و ضد الارهاب والفوضى
و اشارت " جابر " الى ان كايدينهم هى نواة لما اسمته " جيش تويتر لرفعة اسم مصر بالعلم و التنوير و العمل و مقاومة اعداء الوطن داخليا و خارجيا ، و اليكم بيان الحركة الاول :
#حركة_كايدينهم
احنا افراد من الشعب المصري نحن لا ندعم الاشخاص او الاحزاب ، نحن ندعم الوطن ومؤسسات الدوله
وحق المواطن المصري في حياه امنه مستقره كريمه
هدفنا مش بس سياسه
هدفنا تنمية وتطوير العقل الجمعي للشعب المصري لمواجهة الحروب النفسيه والفكريه
التي تخاض ضده بالتنوير والعلم
احنا ما نعرفش المستحيل ولا اللي مش ممكن ولا السلبيه ولا الاحباط ولا اليأس ولا الملل
احنا مصممين علي النصر لمصر وحانوصل بعون الله
#حركة_كايدينهم لكل مصري مخلص قرر ان مافيش حد ومافيش حاجه اغلى عليه في الدنيا من مصر
احنا حركة مقاومه ضد الجهل والخيانه والفساد واللامبالاه
ضد السلبيه والاستسلام
ضد التطرف والعنصريه
ضد المحسوبيه والواسطه
ضد الارهاب والفوضى
احنا مواطنين عايزين نوصل صوتنا ونعبر عن صوتنا بدون وسطاء
مش عايزين لا نخب ولا نشطاء ولا سياسين فاشلين
مش عايزين صوتنا يفضل محبوس لحد ما يجي الصندوق او حتي يتسجن فيه لما يجي
عايزين نقول بحريه اللي احنا شايفينه بلا اغراض الا املنا في وطن نعيش فيه ومستقبل
نحلم بيه لاولادنا في بكره اجمل من ايامنا
احنا كتير اوي علي فكره بس مكناش عارفين نتواصل مع بعض ولا لاقين اللي يلمنا فقررنا ننقذ
نفسنا ونتوحد عشان نحقق اهدافنا و غايتنا الواحده ان مصر ام الدنيا تكون اد الدنيا ، عملنا تجربة جيش تويتر ونسقنا ونجحت في القضاء على معظم اللجان الالكترونيه المعاديه للوطن