لحظة تمرد

yousrielsaid@ yahoo.com

حين تصاب بحالة من الاحباط واليأس من افعال الكبار.. انصحك باستراحة ولو قصيرة مع الاطفال. وتكون المتعة بقدر حجم البراءة التي ستتعامل بها مع براءتهم.. لتكن البراءة هي مفردات اللغة بينك وبينهم.. لكن المتعة الاكبر والمكسب ان تخرج من الحوار اقصد الاستراحة ببعض البراءة.. طبعا اشك في هذه النتيجة.. المهم خضت التجربة منذ اسابيع وحاولت. لكن خدعتني الحيلة ولم اصمد كثيراً.. تعالوا معي في هذه الرحلة القصيرة في عالم الاطفال.. والبداية كانت في هذه الجملة قبل دخول المدرسة من طفل "لمض" حبتين حين سألته عن المدرسة.. قال:
امتي تيجي المدرسة اصلها "وشحتني" قوي وشحتني يعني وحشتني في اللسان اللي لسه متعدلش كلامه وبيطلع الكلام زي السكر من بعض اصحابي منكم
بس السؤال اللي عايز اسأله لكم بجد: انتم زهقتم من الاجازة ولا لسه؟
الاجابات علي السؤال ده كانت كثيرة.. تعالوا نشوف اصحابكم قالوا ايه؟
واحد قاللي: انا بحب اللعب قوي وعلشان كده عايز اشوف اصحابي اللي في المدرسة علشان العب معاهم في الحوش.
واحد تاني شقي قال: لا.. انا م زهقتش من الاجازة وانا مش عايز المدرسة ترجع علشان المذاكرة وكل شويه بابا وماما يقولولي ذاكر ذاكر.
والسؤال اللي عايز اسأله لكم تفتكروا اللعب علي طول حاجة كويسة؟
طب لو كان الكلام ده صحيح طب لو قضينا حياتنا كلها لعب في لعب طب ح نشتغل ايه لما نكبر زي بابا؟
رن في ودني سؤال واحد منكم وح نشتغل ليه؟
بصراحه انا اندهشت من السؤال ده علشان مكنتش متوقعه من واحد منكم.. ليه؟
علشان عدة اسباب منها:
طب لما الواحد ما يشتغلش ح يجيب فلوس منين علشان يشتري اللي هو عاوزه؟
لقيت واحد شقي تاني منكم بيقول: ح اخذ فلوس من بابا وماما.
معقولة ح ناخد فلوس منهم طول عمرنا.
لا.. لازم احنا نعتمد علي نفسنا ونشتغل ونكسب فلوس من شغلنا طب ح نشتغل ايه لو متعلمناش كويس؟
والسؤال الأهم ح يبقي تفكيرنا ازاي لو م تعلمناش كويس؟.. وح نتعامل ازاي مع الناس لو م تعلمناش كويس؟
وكمان الحاجة المهمة قوي بلدنا ح تتقدم ازاي علشان وتسبق امريكا واسرائيل وأوروبا من غير م تبقي بلدنا متقدمة.. وح نبقي متقدمين ازاي ونسبق العالم لو م ذاكرناش كويس واتعلمنا كويس قوي..
عايزين نسبق امريكا ولا عايزين نبقي كسالي؟
يعني نتعلم ونذاكر ونشتغل ولا نلعب وم نذاكرش وتبقي اسرائيل احسن مننا برافو.. بيقولها اصحاب كثير منكم لازم نذاكر ونبقي متفوقين علشان خاطر بلدنا وعلشان نبقي أولاد كويسين.
بس ح اقول لكم حاجة.. مفيش مانع نلعب شويه ونذاكر شويه.. نلعب شويه ونحفظ قرآن ونروح الجامع نصلي.. نلعب شويه ونروح الكنيسة نصلي.
نلعب العاب علي الكمبيوتر شويه ونتعلم البرامج المختلفة وندخل علي الانترنت ونتعلم لغات.
نلعب شوية ونروح النادي نلعب رياضة تقوي جسمنا علشان العقل السليم في الجسم السليم.
عايزين نتعلم علشان يطلع مننا علماء ومخترعين علشان مصر تتقدم وتسبق امريكا عايزين نتعلم فنون ورسم وموسيقي علشان نبقي فنانين وادباء كبار عايزين نتعلم ونلعب رياضة علشان نبقي ابطال العالم في الرياضة ايه رأيكم؟
اتفقنا
هل يعيد رئيس الوزراء الاعتبار
لعبد الناصر في التليفزيون؟
في ذكري رحيل الزعيم الراحل جمال عبدالناصر متي نعيد حقه التاريخي في انشاء التليفزيون ومبني ماسبيرو؟.. الحكاية فعلها صفوت الشريف في اطار حملة النفاق لحسني مبارك.. وقام بازالة اللوحة المعلقة في مدخل مبني التليفزيون والتي تشير ليوم افتتاح التليفزيون وقيام الزعيم جمال عبدالناصر بالافتتاح واثناء تولي عبدالقادر حاتم لمنصب وزير الاعلام او الارشاد القومي.. المهم خلع الشريف ومبارك اللوحة وعلقا بدلا منها لوحة تشير الي افتتاح الجراج الملحق بالمبني مكان لوحة الزعيم .. بالذمة هل هناك مسخرة أكثر من كده؟ وأكمل الشريف المهزلة بازالة التماثيل النصفية للرئيسين جمال عبدالناصر وأنور السادات.. يعني من بني جراجا توضع لوحته ومن انشأ الكيان الضخم تزال لوحته وتمثاله؟.. المهم كما تدين تدان.. بعد ثورة 25 يناير تم ازالة لوحة مبارك اقصد لوحة الجراج وتمثاله أيضا!!
هل يعيد المهندس شريف اسماعيل رئيس الوزراء الاعتبار للزعيم ويأمر باعادة اللوحة الاصلية للزعيم التي تشكل جزءاً من تاريخ الوطن والتليفزيون والاعلام المصري والعربي؟