السيسي: "مش كفاية خالص تمشي على رجليك في مصر لازم نقفز"

قال المشير عبدالفتاح السيسي، المرشح لرئاسة الجمهورية، إن الملف الاقتصادي أخطر الملفات، ليس «لأنه بيوفر القدرة اللي تخليني أقدر اشتغل في باقى الملفات بشكل جيد»، مضيفًا: «معندناش الوقت إنك تقول الموضوع ممكن أعمله في 4 سنين أو عشرة لا، ممكن يكون لينا تخطيط بعيد المدى مفيش كلام، لكن
لازم نبذل جهد نقفز بيه مش نتحرك بيه، إنك تمشي على رجليك مش كفاية خالص في مصر لازم نقفز، وكلنا نبقى مستعدين لكدا، لأننا شعب عظيم جدا اذا اقتنع بيعمل المستحيل».
وقال المشير عبدالفتاح السيسي، في تصريحات لبرنامج «الرئيس والناس» على شاشة «القاهرة والناس»، مساء الأربعاء، «إن أكثر حاجة ليها تأثير سلبي على مصر هي (العوز) وأنا الكلمة دي بستخدمها كثير، لو مفيش فلوس هتعلم ابنك أو بنتك اية مفيش التعليم الجيد، عاوز فلوس عاوز تخلي جسمه كويس ويلعب رياضة فين فى الشارع المزحوم ولا فين طب هنجيبله لبس يلعب بيه ولا يلعب من غير لبس، دا عاوز فلوس عايز يتعالج يتعالج إزاي؟ ماهو لو متعالجش كويس هيصبح انسان فيه علة هتأثر عليه؟ وعلى المجتمع لنهاية عمره دا عاوز فلوس عاوز تكمله شغل علشان يكمل حياته يشتغل يتجوز يبقى عنده أولاد وبكده الدنيا تمشى».
وأضاف السيسي: «أنا بعتبر العوز هو أخطر قضية بالنسبة لي، وأنا حتى انى لو عاوز اعالج هذه الملفات يجب أن يكون لدى قدرة اقتصادية مناسبة ليست عالية، لكن علشان اقدر اعمل مدرسة ومستشفى جيدة وعمل جيد والدنيل تمشى فى مصر».