معكم

من على تويتر

** صاحية ليا ساعة ومبحلقة في السقف. ولازقة في البطانية ومحتاجة عملية فصل عنها. مش حاسة إننا هنسيب بعض بسهولة كده.
** ولقد ألهمتني الجوارب. الدفء الذي أتمناه.. دا حتي الواحد محتاج ينشر الشراب قبلها ب 3 أيام عشان ينشف.
** افتح دولابك. وشوف جاكيت مش بتلبسه وخده معاك بكرة وأنت نازل.. إديه لحد بردان في الشارع.
** نصيحة للجنيه المصري.. لو حسيت بهبوط.. اضرب كيس طرشي.
** الواحد بيدعي ربنا من قلبه قوي إن الامتحان ييجي سهل. قال يعني اللي مش مذاكر. هتفرق معاه. سهل من صعب.
** مهدت لبابا إني هجيب مقبول. قولتله المادة وحشة وصعبة وأنا خايفة ومطبقة والتوتر وعدم التركيز. هيخليني أعك. حسيت إنه شوية وهيطلع فكة من جيبه.
** كل ما أفطر موز بطني توجعني.. واضح أن أصلي كان قرد صيني.
** د. هبة رءوف عزت: وهل تختبر المبادئ إلا في الامتحانات.
** رب أعوذ بك من الكسل وسوء الكبر. رب أعوذ بك من عذاب في النار وعذاب في القبر.
** الحمد لله علي نعمة "السخان" في التلج ده.
** أذكركم ونفسي بصلاة الضحي.. تصدق علي مفاصلك بها.
** جبنا مجلة Fashion وحطيناها علي ديسك المراقب. مسكها وقاعد يفصص في الصور. وقلبنا الامتحان.. أوبن بوك وملازم وبرشام.. أساحبي.
** مفيش أجمل من إنك تسيب الشغل وترجع لحبيبك "سريرك".. اللي ملكش غيره.
** الشرب من إيد الرجال عطش.. منقولة من علي الميكروباص في شارع السودان.
** فركشنا بسبب أول خروجة معاها.. قلت أعزمها في أي كافيه نتفرج علي ماتش سهل للزمالك مع الكروم. فاتغلبنا يومها 4-2 فخفت عالدوري بصراحة.
** أكيد في مرحلة من عمرك قلت لمامتك: نجيب كلب. وقالتلك بكل خفة دم: ليه ما أنا عندي تلاتة.. ههههه.. عسل يا ماما.. عسل
** للأسف.. أكتر من 60 ألف إنسان قتلهم الملعون بشار.. احنا بقينا باردين قوي من ناحية أحداث سوريا وعدد القتلي.. اللهم أهلك بشار وانتقم منه.
** مفيش حد بيعبرك طول النهار.. لكن ادخل الحمام وانت لوحدك في الشقة.. هتلاقي جرس الباب والموبايل والأرضي.. بيرنوا مع بعض. واحتمال حد في الشارع ينادي عليك كمان.
** آخر أيام الإجازة.. نمت بالكحل صحيت الصبح شبه حيوان الباندا.
** الأخيرة: اللهم لك الحمد حتي ترضي. ولك الحمد إذا رضيت. ولك الحمد بعد الرضا