السوشيال ميديا يسخر من نصيحة زينة للفتيات!

ردت الفنانة زينة على تصريحات النجم أحمد عز التي أكد فيها أن توأمها ليسا ابنيه رغم حكم المحكمة بإثبات نسبهما إليه، مما دفعها للكتابة عبر حسابها الشخصي على "انستجرام" رسالة للرد على كلامه.
كتبت زينة قائلة:
"الحمد لله بشكر القضاء المصري العظيم اللي أظهر الحق.. الحمد لله عاوزة أوضح حاجة علشان الكذب المستمر، الحكم الحمد لله بيعتمد على إثبات الزواج وبناء عليه تم إثبات النسب.. أنا كنت ملتزمة الصمت وتعرضت للإشاعات الحقيرة وكنت بشوف اللي بيتقال عليا والحقيقة إني كنت واثقة في عدل ربنا الحمد لله .
الانتصار ده انتصار مش ليا لوحدي ده للستات كلهم القضية دي في منها كتير بس قضيتي اتحولت لرأي عام علشان أنا مشهورة والطرف التاني برده، نفسي كل ست مظلومة تاخد حقها حتى لو غلطت واتجوزت واحد عديم الضمير والإنسانية وكداب بس كداب حتى في النفس اللي بيتنفسه، ربنا يكفي كل البنات شر عديمي الرجولة ويكرم كل البنات بناس محترمة تحافظ عليهم وأكيد في ناس محترمة كتير.
ربنا أظهر الحق الحمد لله وأنا عاوزه أعيش وأربي ولادي وأشوف شغلي وأنسى الأيام السودة اللي شفتها من أول الجواز لغاية يوم الحكم، مش عاوزة أسمع اسم أبو أولادي ده تاني ولا حتى حد يغلط فيه علشان مايصحش للأسف علشان ولاده، وربنا كبير ولسه حسابه عند ربنا الله يكون في عونه بقى ساعة الحساب اللي مافيهاش معجبات
فرحت الناس بظهور الحق أكتر حاجة حسستني إن الناس معايا أو تحديدا مع الولاد، مين ممكن يعادي أطفال ويظلمهم غير جاحد شيطان فرخه حتى ما حصلش دجاجة".
ورغم المشاعر الإنسانية التي تضمنتها رسالة زينة، وحرصها على توعية الفتيات بعدم الوثوق في وعود الرجال مهما كان مقدار حبهن لهم، إلا أن بعض رواد السوشيال ميديا طلبوا من زينة الكف عن تقديم النصيحة لأنها ببساطة ليست أهلا لها، وعليها الاحتفال بانتصارها في القضية دون تقديم المواعظ للفتيات وخلافه.