زينة تشكر القضاء بعد إثبات نسب توأمها: «مش عاوزه أسمع اسم أبو أولادي تاني»

وجهت الفنانة زينة رسالة شكر للقضاء المصري عقب رفض محكمة مستأنف الأسرة الاستئناف المقدم من الفنان أحمد عز على الحكم الصادر من محكمة أول درجة، بإثبات نسب توأم الفنانة زينة «عزالدين وزين الدين» له، وقضت بتأييد حكم أول درجة.
وقالت «زينة»، الخميس، عبر حسابها بموقع التواصل الاجتماعي «انستجرام»: «بشكر القضاء المصري العظيم اللي أظهر الحق الحمد لله.. عاوزه أوضح حاجة علشان الكذب المستمر، الحكم الحمد لله بيعتمد على إثبات الزواج، وبناء عليه تم إثبات النسب أنا كنت ملتزمة الصمت واتعرضت للإشاعات الحقيرة وكنت بشوف اللي بيتقال عليا.. والحقيقة إني كنت واثقة في عدل ربنا الحمد لله».
وأضافت «زينة»: «الانتصار ده انتصار مش ليا لوحدي ده للستات كلهم.. القضية دي في منها كتير بس قضيتي اتحولت لرأي عام علشان أنا مشهورة، والطرف التاني برده، نفسي كل ست مظلومة تاخد حقها حتي لو غلطت واتجوزت واحد عديم الضمير والإنسانية وكداب بس كداب حتي في النفس اللي بيتنفسه، ربنا يكفي كل البنات شر عديمي الرجولة، ويكرم كل البنات بناس محترمة تحافظ عليهم، وأكيد في ناس محترمة كتير».
وتابعت «زينة»: «يارب يستر كل البنات ويحفظهم.. ربنا أظهر الحق الحمد لله، وأنا عاوزه أعيش وأربي ولادي وأشوف شغلي وأنسى الأيام السودة اللي شفتها من أول الجواز لغاية يوم الحكم، مش عاوزه أسمع اسم أبوأولادي ده تاني ولا حتي حد يغلط فيه علشان ما يصحش للأسف علشان ولاده، وربنا كبير ولسه حسابه عند ربنا الله يكون في عونه بقى ساعة الحساب اللي ما فيهاش معجبات.. فرحة الناس بظهور الحق أكتر حاجة حسستني إن الناس معايا أو تحديدا مع الولاد، مين ممكن يعادي أطفال ويظلمهم غير جاحد شيطان «فرخة حتى ما حصلتش دجاجة».
الحمد لله: بشكر القضاء المصري العظيم اللي اظهر الحق الحمد لله ???? عاوزه أوضح حاجه علشان الكذب المستمر ،الحكم الحمد لله بيعتمد على إثبات الزواج وبناء عليه تم إثبات النسب انا كنت ملتزمة الصمت واتعرضت للاشاعات الحقيره وكنت بشوف اللي بيتقال عليا والحقيقة اني كنت واثقه في عدل رينا الحمد لله. الانتصار ده انتصار مش ليا لوحدي ده للستات كلهم القضيه دي في منها كتير بس قضيتي اتحولت لرأي عام علشان انا مشهورة والطرف التاني برده،نفسي كل ست مظلومه تاخد حقها حتي لو غلطت واتجوزت وأحد عديم الضمير والانسانيةو كداب بس كداب حتي في النفس اللي بيتنفسه ،ربنا يكفي كل البنات شر عديمي الرجولة ويكرم كل البنات بناس محترمه تحافظ عليهم وأكيد في ناس محترمة كتير. يارب يستر كل البنات ويحفظهم. ربنا اظهر الحق الحمد لله وانا عاوزه أعيش واربي ولادي وأشوف شغلي وانسي الأيام السوده اللي شفتها من اول الجواز لغاية يوم الحكم،مش عاوزه اسمع اسم ابو أولادي ده تاني ولا حتي حد يغلط فيه علشان مايصحش للاسف علشان ولاده ،وربنا كبير ولسه حسابه عند ربنا الله يكون في عونه بقي ساعة الحساب اللي مافيهاش معجبات???????? فرحت الناس بظهور الحق اكتر حاجه حسستني ان الناس معايا أو تحديدا مع الولاد ،مين ممكن يعادي أطفال ويظلمهم غير جاحد شيطان #فرخه حتي ماحصلش #دجاجه.
A photo posted by Zeina Reda (@zeinareda29) on Jan 14، 2016 at 12:00pm PST