"زينة" تتهم زوجها بعدم الرجولة

عبرت زينة عن فرحتها بحكم القضاء بإثبات نسب توأمها إلى الفنان أحمد عز، وذلك بعدما استمرت القضية في المحاكم عدة شهور، قائلة: "فرحة الناس بظهور الحق أكتر حاجه حسستنى أن الناس معايا أو تحديداً مع الولاد، مين ممكن يعادى أطفال ويظلمهم غير جاحد شيطان فرخة حتى محصلش دجاجة".
وأضافت عبر صفحتها على موقع التواصل الاجتماعي "انستجرام": "بشكر القضاء المصرى العظيم اللى أظهر الحق، الحمد لله، عاوزة أوضح حاجة علشان الكذب المستمر، الحكم الحمد لله بيعتمد على إثبات الزواج وبناء عليه تم إثبات النسب أنا كنت ملتزمة الصمت وتعرضت للإشاعات الحقيرة، وكنت بشوف اللى بيتقال عليا والحقيقة، أنى كنت واثقه فى عدل ربنا.. الحمد لله".
وتابعت: "الانتصار ده مش انتصار ليا لوحدى، ده للستات كلهم، القضية دى فى منها كتير، بس قضيتى اتحولت لرأى عام علشان أنا مشهورة والطرف التانى برده، نفسى كل ست مظلومة تاخد حقها حتى لو غلطت واتجوزت واحد عديم الضمير والإنسانية، وكداب حتى فى النفس اللى بيتنفسه، وربنا يكفى كل البنات شر عديمى الرجولة ويكرمهم بناس محترمة تحافظ عليهم، وأكيد فى ناس محترمة كتير، يارب يستر كل البنات ويحفظهم".
وأكملت: "ربنا أظهر الحق الحمد لله، وأنا عاوزة أعيش وأربى ولادى وأشوف شغلى وأنسى الأيام السودة اللى شفتها من أول الجواز لغاية يوم الحكم، مش عاوزة أسمع اسم أبو أولادى ده تانى، ولا حتى حد يغلط فيه، علشان مايصحش للأسف علشان ولاده، وربنا كبير ولسه حسابه عند ربنا الله يكون فى عونه بقى ساعة الحساب اللى مافيهاش معجبات".