بالفيديو: سباب وإهانات بين أخت سعاد حسني والراقصة برديس ع الهوا.. والأخيرة تنتقد السندريلا

حلت الراقصة برديس ضيفة على برنامج "العاشرة مساء" للإعلامي وائل الإبراشي، لتنشب مشاجرة على الهوا بينها وبين جنجاه أخت الفنانة الراحلة سعاد حسني بسبب أغنية السندريلا "يا واد يا تقيل"، التي قدمتها برديس مؤخرا في كليب آثار الكثير من الجدل.
جنجاه هاجمت برديس خلال مداخلة هاتفية مع الإبراشي، قائلة: " ده مش فن ده جنس مباشر.. وأنا ممكن أسجنك" فردت عليها برديس وهي منفعلة: "مش هقبل أسمع كلامك ده، أنا وقفت الكليب احترامًا ليكى واعتذرت لك، ومتقدريش تسجنينى عشان أنا وقفت الكليب بعد عرضه ب 3 أيام".
فما كان من جنجاه إلا أن استكملت هجومها على برديس قائلة:"المفروض ما تتكلميش خالص، ملكيش دعوة بالفنانين الكبار زى سعاد حسنى، مين إنتى عشان تقارنى نفسك بسعاد، وإنتى اعتذرتى بعد ما عملتى الإسفاف الكبير ده، إنتى ما بتحترميش حد ومش بتحترمى نفسك عشان تحترمى الآخرين"، وأضافت: "المصنفات لازم تمنع الحاجات اللى بتحصل دى.. ده مسخرة وايحاءات مش فن".
وفي ذات السياق، هاجمت برديس الراحلة سعاد حسني، في محاولة منها للدفاع عن ملابسها التي قيل عنها إنها مثيرة، مؤكدة أن ملابسها عادية للغاية، وأن السندريلا كانت ترتدي مثل تلك الملابس في حقبة السبعينيات.