بالفيديو: مفيدة شيحة تكشف سبب طلاقها على الهواء

صرحت المذيعة مفيدة شيحة عبر برنامجها "الستات ميعرفوش يكدبوا" عن السبب الحقيقي وراء طلاقها، مشيرة إلى أن اختيارها الخاطئ وعدم سماعها لنصيحة والدها أدى إلى تلك النهاية.
وقالت شيحة: "ندمت جداً إني مسمعتش كلام والدي ووالدتي، فهم كانوا رافضين تماماً الجوازة دي، وشايفين إنه لا يصلح شكلاً وموضوعاً ومكانة".
واستكملت مفيدة: "لكن لأن والدي كان بيحبني جداً وكنت أنا نقطة ضعفه، فضغطت عليه بأني هأبقى حزينة، وقالي كلمة أنا فكراها جداً، قالي أنا هجوزهولك علشان ما أموتش وأحس إنه كان ممكن تبقى سعادتك مع حد ومجوزتهولكيش".
وأكدت شيحة أن هذه الزيجة كانت غلطة عمرها، ناصحة كل الفتيات بسماع كلام أهلهم، قائلة: "أنا بقول للبنات الصغيرين أنا غلطت غلطة عمري إني مسمعتش كلام أهلي، فالأب والأم بيبقوا فاهمين وشايفين حاجات بعيدة أوي إحنا مش واخدين بالنا منها، وأنا هعمل كده مع بنتي مِنة، وهشجعها تعمل كده مع ولادها".