هند صبري ترد على منتقدي صورتها دون ماكياج

ردّت الفنانة هند صبري على من انتقدها، وسخر منها، لنشر صورتها دون ماكياج، على حسابها الشخصي بموقع التواصل الاجتماعي إنستجرام، قائلة إنها لا تحتاج أن تكون جميلة طوال الوقت حتى تشعر بالسعادة.
وتابعت: "بدون ميك أب وبدون فلتر للصورة، لكل الناس اللي متوقّعة إني هكون عاملة شعري وعاملة فول ميك آب في الأجازة بتاعتي، واللي بينشروا كرههم في مواقع التواصل الاجتماعي، لكم مني هذه الكلمات، إنتوا مش بتحبّوا نفسكم على طبيعتها، بس أنا بحب".
وأكملت ردها قائلة: "أنا مش محتاجة أكون جميلة طول الوقت علشان أكون سعيدة، خليكم بتكرهوا كده، لأن العالم أحيانا يحتاج الكارهين، وأنتم بتقوموا بمهمتكم على أكمل وجه، دلوقتي بعد إذنكم أنا هروح أستمتع لأن عندي حياة أعيشها، وأتمنى إنكم تلاقوا حياة ليكم قريبا".