لماذا يرفض عمرو سلامة العنف في 30 يونيو

عبر صفحته الرسمية على موقع التواصل الاجتماعي، كتب السيناريست عمرو سلامة ملخصا للأسباب التي تدفعه لرفض العنف يوم 30 يونيو الجاري، وقال سلامة تحت عنوان " ليه العنف في ??/? في صالح الإخوان؟"
"لو إنت شاب ظيّاط شايف إن خالتي سلمية ماتت، أنا بقى عايز أمك عنف تنفعني وتشيل الإخوان فعلا، لكن في الحقيقة هي هتثبت الإخوان في مكانهم أكثر وهتفيدهم على كل الأصعدة.
لكذا سبب.
?- دوليا العنف هيخلي الإخوان يروّجوا للمجتمع الدولي كله، خصوصا أمريكا الراعي الرسمي للجيش إنهم سلطة سلمية أمام معارضة مسلحة، وده هيديهم أكبر هدية، اعتراف دولي أكبر بيهم ودعم أمريكا أكثر.
?- الجيش نفسه لما يلاقي نفسه بيواجه المعارضة المسلحة والإرهابيين اللي من غير ذقن أكثر ما بيواجه الإرهابيين اللي بذقن ده هيخليه يتمسك أكثر بعلاقته مع الإخوان.
?- المواطن البسيط بعد ما فقد كل التعاطف معهم بسبب سياستهم وفشلهم في إدارة الدولة احتمال كبير يرجع يتعاطف معاهم لما يشوف مشاهد شبه مشاهد المقطم بس مضروبة في عشرة.
?- موت عدد كبير من الإخوان هيخلي شرعيتهم شرعية دم، وهيخليهم يتمسكوا بالسلطة أكثر من أجل شهدائهم اللي هيقعدوا يزايدوا بيهم على الشعب عشر سنين قدام.
?- كل إخواني النهارده مع كل تبريره الأعمى لفشلهم لما تجادله، يدافع في تسع نقط ويجي عند العاشرة مايعرفش يرد، فيه خلل حتى لو طفيف في تماسكهم الداخلي، العنف ضدهم هيرجع التماسك ده، داخل الجماعة ومع كل التيارات الإسلامية عامة.
?- غير كل ده لو اختيار العنف فشل في النهاية، وده أكيد هيحصل، ده هيديهم رخصة مفتوحة لقمع داخلي مرعب ومؤيد من الجيش وربما الشعب نفسه.
أنا زيي زيك شايف الإخوان بيحاربوا للجماعة وأعداء لمصر، تيار طائفي يستحق كل أنواع المقاومة، باستثناء المقاومة اللي تفيده هو.
السلمية هي الاختيار الوحيد".