تعليقات فيسبوكية طريفة علي فوز المبارز علاء الدين بفضية السلاح

مع فوز البطل المبارز علاء الدين ابو القاسم بأول ميدالية أولمبية فضية في سلاح الشيش، توالت التعليقات المهنئة علي الفيسبوك بفوز البطل المصري، خاصة وأنها الميدالية الأولي لمصر في البطولة.
في حين أراد بعض الفيسبوكيين أن يعبروا عن فرحتهم بفوز اللاعب، بطريقة الفيسبوكية الشهيرة والتي تعتمد علي تخيل تعليقات الشخصيات السياسية المهمة في مصر عن خبر فوز اللاعب لتجد الآتي:
"الولد بتاع الشيش اللي كسب في الأولمبيات طلع عنده دقن خفيفة":
- الإعلام: الإخوان عايزين يكوشوا علي ميداليات مصر.
- البرادعي: لك الله يا مصر.
- الأستاذ حمدين: متهتفوش بس ضد اللاعب وضد الإخوان، لازم نهتف كمان ضد الأولمبيات.
- توفيق عكاشة: مش ملاحظين إن الميدالية في رياضة المبارزة بالسيف، أنا عايز المخرج يعرض لنا كده شعار الإخوان المسلمين، سيفين دول ولا مش سيفين.
أبو حامد: لا لأخونة الرياضة.