خالد الصاوي: لازم نعرف التسريب جي منين بالضبط

بطريقته المعتادة، علق الفنان خالد الصاوي على الأحداث الصعبة التي تمر بها مصر على صفحته على موقع "الفيسبوك"، انه يجب علينا التنقيب عن الفساد في كل أجهزة الدولة للتأكد من ان مصر في طريقها الصحيح للتغيير الإيجابي.
وكتب الصاوي: "لو عاوز تطمن على صحتك بعد الجراحة مش حتقول: بس محدش يجيب سيرة قلبي أو كبدي أو طحالي بنص كلمة، ولو عاوز تطمن على عربيتك بعد الحادثة مش حتقول: كله إلا الشكمان أو الرادياتير مقبلش كلمة في حقهم، وبرضه لو عاوز تطمن على دولتك بعد الثورة لازم تكشف على كل الأجهزة عشان تعرف التسريب ده جي منين بالضبط".
وأضاف: "عموما جرب براحتك خالص وأديك يا سيدي عرفت عنوان العيادة والورشة والصفحة، وأخوك دايما في الخدمة ومن غير أي حاجة، وربنا يديم المحبة.. قول: آمين:)".
وبهذه الطريقة المستترة استطاع الصاوي ان يعبر عن موقفه المؤيد للنزول الى الميدان في يوم 25 يناير القادم، من أجل إكمال التغيير، وقال رداُ على أحد أعضاء صفحته: "مش حغير ضميري وكل ما تجيلي حقولك التطهير واجب الثورة مستمرة لحد ما تحقق أهدافها النبيلة والأرزاق على الله:)".