ردود أفعال الفيسبوكيين على قرار وقف بث محاكمة مبارك ونجليه

تباينت ردود أفعال الفيسبوكيين عقب إعلان قرار المستشار أحمد رفعت رئيس المحكمة، بوقف بث محاكمة الرئيس السابق محمد حسني مبارك ونجليه علاء وجمال على الهواء مباشرة.
فمنهم من رأي أنه قرار سليم خاصة في ظل الفوضى التي تعم المحكمة ومحاولة كل محامي إبراز نفسه ليظهر بوضوح في التليفزيون، في حين رأى الآخرون أنها بداية تدليس الحقيقة والبعد عن الشفافية.
أما أكثر الآراء إقناعا فكانت لأحد النشطاء الذي ذكر أن وقف بث المحاكمة قرار صائب لأنه لا يجوز أن يسمع الشهود بعضا في التليفزيون!.
ولكن الأغلبية أجمعت علي ضرورة بث المحاكمة النهائية لمعرفة الحكم.
وهذه بعض التعليقات التي جاءت على وقف بث محاكمة مبارك:
- لا تعليق!
- أحسسسسسسن
- اغلب المحامين جايه تتمنظر قدام التلفزيون كدا أحسن والله بدل ما حقنا وحق الناس بيضيع
- والله المحامين فضحونا ..أحسن
- كدا أحسن علشان الهرجلة اللي بتحصل قدام التلفزيون، كأن كل واحد بيعرض عضلاته ع التاني ... بس ياريت يوم النطق بالحكم يكون متذاع
- علي فكره قرار عدم البث دا صح مليون في الميه عشان البشوات اللي بتقعد تتكلم عشان الكاميرا تجيبهم والطلبات اللي ملهاش ولا سند قانوني اللي بيطلبوها وكل الي بنستفيده إن الجلسة تتعطل .. وعلي فكره مش معني كده إننا مش هنشوف المحاكمة .. هيه هتبقي عادي بس مش لايف يعني ممكن نشوفها بالليل في النشرة
- لا كويس كمان علشان الشهود ميسمعوش شهدات بعض ده مهم جدا
- يا جماعة وقف البث مش معناها عدم علانية المحاكمات معناها عدم البث المباشر لكن المحاكمة هتتصور وتتعاد
- الله اكبر لا لإهانة الرئيس
- هو ايه الفرحة اللى كانت في علاء مبارك والتحيات اللى كان بيعملها دى كلها ما هو أكيد لأنه فرحان بالمهزلة اللى كانت بين المحامين النهاردة ومنع البث التليفزيوني