أحمد عز: أنا مهيبر ومجنون.. بس مش عايز مشاكل

عبر مدونته الرسمية على ناس MBC، تحدث الفنان أحمد عز لجمهوره عن تجربته مع الحج، كما كشف عن بعض الجوانب من دوره الجديد في فيلمه المنتظر "365 يوم سعادة".
يقول عز: "اتأخرت على الجمهور أوى لكن أنا كنت مشغول ليل نهار بتصوير " فيلم 365 يوم سعادة "، هذا بالإضافة انى لسه راجع من الحج ربنا يكتب زيارة بيت الله الحرام لكل مسلم أمين يا رب".
وحول الفيلم يقول عز: "أنا شايف ان تجربة فيلم 365 يوم سعادة بجد تجربة مختلفة أنا عامل فيه شخصية شاب اسمه (هادي) وهو زى ما بيقولوا كده حد مهيبر أوى مجنون لكن في نفس الوقت مع نفسه خالص يعنى اسم على مسمى شاب كده عايز يعيش من غير أي مشاكل في حياته وأي شيء يتسبب له في وجع دماغ يبعد عنه على طول".
ويستكمل عز: "الشاب ده هيفضل عايش حياة لامبالاة وفوضوي لحد ما يحب ويتجوز الحياة هتتغير لكنه هيحصل دروب كبير في حياته لأنه مش متعود على نظام رايح فين جاى منين وده ومن هنا هيحصل مفارقات كوميدية كبيرة إن شاء الله تعجبكم".
وحول تجربته في مشاركة الفنانة دنيا سمير غانم والمخرج سعيد الماروق لأول مرة من خلال الفيلم، قال: "أنا سعيد أوى بتجربتي مع النجمة دنيا سمير غانم لأنها بجد نجمة بتعرف شغلها كويس وتجربة إخراج أستاذ سعيد الماروق للفيلم كانت تجربة بالنسبة لي مختلفة ومميزة إن شاء الله الفيلم لما يتعرض يعجبكم ".