بعد اختفاء طوابير العيش والغاز.. نشطاء: الحكاية فيها "باسم"

"الطابور دلوقتى اختفى من تاريخ مصر الجديدة الحمد لله ربنا يوفقك يا معالى وزير التموين".. جدارية سطرها أحد الشباب عبر "فيس بوك" تعليقا على اختفاء طوابير العيش فى العديد من المناطق، وهو الحدث الذى بات محل إشادة من قبل المدونين.
اختفاء طوابير العيش وفقا للمنظومة الجديدة التى اعتمدتها وزارة التموين تزامن مع تغريدات وجداريات تشيد بأداء د. باسم عودة الذى اعتبره المدنون نموذجا للوزير النشط والناجح، وهو ما عبرت عنه التعليقات التالية:
منصور أحمد: دكتور باسم عودة، والله انتم ممتازين، وأكثر من ممتازين كمان بس علشان تاخد الدرجة النهائية فى الامتياز محتاج تظبط مسألة البنزين والسولار، البنزين مشكلته اتحلت لكن ناقص السولار.
عليوة: ربنا يبارك فيك يا مهندس باسم ويعينك كلنا شايفين مجهودك ربنا يكتر من أمثالك.
إسماعيل صلاح: إنت بحق وزير نشيط أنا كمواطن أتمنى لك دوام التوفيق والمزيد من أجل الوطن والمواطنين.
حسين حمادة: الدكتور باسم عودة المحترم وزير التموين يكفى أنك ستنال حب ودعوات جميع المصريين وعدت وصدقت وكفيت ووفيت جزاك الله ألف خير.
عماد محمود: عقبال السولار شد حيلك.
عادل محمود: ربنا يبارك فيك يا دكتور لن تنساك مصر ولن ينساك المصريون ويكفيك شرفا وفخرا أنك أشجع وزير مصرى فى زمن ندر فيه أمثالك وفقك الله وجعلك سببا فى هدم أقدم منظومة فساد بمصرنا الحبيبة.
ممدوح أبو قادوم: فعلا يا جماعة الراجل ده ناجح جدا وعلى فكرة هو يتحرك بخطى صحيحة وأعتقد أن ذهابه لشرق العوينات أكبر دليل على كلامى لوجود مساحات كبيرة تقدر بآلاف الأفدنة من القمح سوف تساعد على اكتفاء ذاتى من القمح.
معالى الوزير
فى غضون ذلك، حظيت صفحة الوزير باسم عودة بالعديد من المطالب التى يروى أصحابها معاناتهم مع رغيف العيش مطالبين بتكرار المنظومة التى اعتمدها الوزير فى بقية محافظات الجمهورية:
إسلام المصرى: الخبز فى بنى غالب فى أسيوط غير مطابق للمواصفات.. والمخابز لم توفر الخبز يعنى مخبزتش الكمية المفروضة.
هبة محمد: ياريت تشدوا على أفران العيش فى الزقازيق، خصوصا قسم ثانى عايزين شد ودان جاااااااامد العيش أسود أصغر من كف الإيد فى قسم ثانى جمب بوليس النجدة إرحمونا منهم المخابز دى خنقتنا من العيش الأسود واللى محروق من تحت وأصغر من كف الإيد.
نانا: أنا من الإسكندرية والمنظومة اتطبقت فى مناطق ومناطق لسه وإن شاء الله تعمم فى كل الإسكندرية بس الناس اللى اتطبقت المنظومة فى مناطقهم فرحانين أوى وشوفت العيش جميل عقبال منطقتنا.
وائل محمد: يا دكتور مخبز الصعايدة فى جنزور سيئ للغاية العيش أقسم بالله لا يُأكل.