"تويتر": إحنا آسفين يا كبير.. "ثورتنا طلعت فوتوشوب"

لم يمر قرار محكمة جنايات القاهرة، بالإفراج عن زكريا عزمى، الرئيس السابق لديوان رئيس الجمهورية، مرور الكرام عبر منصات التواصل الاجتماعى؛ حيث ربط المدونون بين دعوات إصلاح القضاء، وقرارات الإفراج التى تخرج يوما بعد يوم لرموز النظام البائد.
وعلى "فيس بوك"، كتب أحد الشباب: "سلملى على القضاء الشامخ ولما يجى مرسى يطهر القضاء تعترضوا".. فيما كتب سلامة المصرى على تويتر: "زكريا عزمى وصفوت الشريف براءة!!.. البلد محتاجة قوانين استثنائية يا ريس".
وعلى منصة تويتر، جاءت التعليقات فى أغلبها ساخرة تحت عنوان "احنا آسفين يا كبير" وذلك فى إشارة لزكريا عزمى:
رشا عبد الله: زكريا عزمى يغادر "طره" لمديرية أمن القاهرة لإنهاء إجراءات إخلاء سبيله.. ألف مبروك يا شباب.
دعاء سلطان: إخلاء سبيل زكريا عزمى بضمان محل إقامته.. إحنا آسفين يا كبير.
جوجرى: يللا مستنى تويتة "زكريا عزمى على الأسفلت".
محمد الدمرداش: زكريا عزمى يغادر"طره" لمديرية أمن القاهرة لإنهاء إجراءات إخلاء سبيله.. القضاء النزيه وعجبى !
يوسف: صفوت الشريف.. زكريا عزمى.. والبقية تأتى يا جدعان إحنا من كتر الإفراجات اتعودنا ولا إيه ده النظام كله بدأ يخرج وابقى سلملى ع الثورة.
محمد مصطفى: صفوت الشريف، زكريا عزمى، فتحى سرور، زهير جرانة، فاروق حسنى براءة.. براءة يا بشر براءة يا ناس.. يا أم نياظى صحى نياظى وقولى له براءة.
محمد الشاذلى: عادى جدا زكريا عزمى يطلع براءة هو انت كنت فاكر درج عبد المجيد محمود كان بيعمل إيه سنة ونص؟
محمود عزام: خبر خروج زكريا عزمى من طره أكبر دليل عن أن الثورة بتاعتنا كانت فوتوشوب فعلا.
فجر الحرية: زكريا عزمى رايح مديرية أمن القاهرة عشان يخلى سبيله من هناك، لو حد عايز يروح يستقبله بالأحضان وكده.
عبده: زكريا عزمى يطلع وقبله بأسبوع طالع صفوت الشريف.. عصابة مبارك كل يوم يفرج عن واحد منها.
حازم خاطر: لما زكريا عزمى ياخد براءة وقبل منه صفوت الشريف، يبقى إحنا ما عملنا ثورة، إحنا عملنا فيلم حبيبى دائما.
فيس بوك يسخر
"الحمد لله إن شفيق مكسبش كان زمان زكريا عزمى وصفوت الشريف وأحمد فتحى سرور أخدوا براءة"، جدارية كتبها محمد عطية ساخرا من قرارات الإفراج التى تطال رموز وبقايا النظام السابق، فيما سخر شاب آخر من ازدواجية بعض قوى المعارضة "يا أخى أنا ما شوفتش فى حياتى شيزوفرينيا زى كده.. مش هو ده قضاءنا الشامخ على نفسه ولازم نحترمه ونديله استقلاله.. وفى نفس الوقت بتشتموه وتقولوا عليه فاسد علشان بيطلع رموز الفساد براءة.. مش انتوا عايزين استقلال لقضائنا الفاسد.. اشربوا بقى".. وعلى المنوال نفسه نقرأ على فيس بوك:
سيد البدرى: بكره مبارك وولاده والعادلى ياخدوا براءة ويطالبوا بتعويض للضرر.
إشاعات فيسبوكية: زكريا رجع اتحبس تانى عشان مخالفات فى جمعيتين خيريتين.. الناس دى كانت عاملة بلااااوى كتير.
باسل أبو الوفا: آدى القضاء اللى زعلتوا إن الريس مرسى بيطهره.. اشربوا!.