مظاهرة إلكترونية على صفحة رئيس الوزراء للمطالبة بالتحقيق مع "ساويرس"

"أرجو من المسئولين التحقيق فى قضية تهرب ساويرس من دفع الضرائب عام 2007 "، واحدة من التعليقات التى ظهرت بكثرة فى الصفحة الرسمية لرئيس الوزراء الدكتور هشام قنديل للمطالبة بالتحقيق فى قضايا الفساد المتورط فيها رجل الأعمال نجيب ساويرس وشركاته.. وكشف كل من ساعده فى التهرب منالضرائب.. وكل من تورط معه.
وعلى تويتر لم يكن الوضع أقل هدوءا؛ حيث كتب عمرو سمير: "أطالب بالتحقيق مع ساويرس فى قضايا الفساد وتطبيق الحد الأدنى والأعلى للأجور من أصغر عامل لأكبر موظف فى الدولة اللى هو رئيس الجمهورية".. قراءة فى التعليقات تكشف عن رغبة مجتمعية حقيقية فى تطهير البلد من الفساد مهما كان الثمن:
خالد قنون: يا ريت الكل يتفاعل مع هذا الموضوع ويرسل إلى صفحة الدكتور هشام قنديل.
خالد محمد: أتمنى أن يسود العدل والرخاء هذا الوطن بعيدا عن الفساد.
عبد الله الجناينى: الأمر تأخر كثيرا ولا بد من محاسبة كل المفسدين.
فاطمة عيسوى: بعد الثورة مفروض ساويرس وأتباعه يكونون دلوقتى فى السجون ازاى ده لسه متحاكمش أنا متهيأ لى لو حاكموه هتكتشفبلاوى كتيرة عاملها بس هيروح من العدالة فين هوه واللى زيه.
تمادر درويش: أكيد لا بد من تطهير البلاد من الفساد والمفسدين فى الأرض بدون تحيز ولا رحمة ولا شفقة عليهم.
امسك فلول
المظاهرة التى دعت إليها صفحة "امسك فلول" وجدت صدى واسعا من قبل شباب فيس بوك وتويتر لكنها لم تسلم من النقد ما دفع أدمن الصفحة للرد قائلا: "انتوا عارفين الناس اللى بتقول اشمعنى ساويرس دلوقتى... بيفكرونى بإيه؟ بيفكرونى باللى قال "إيه اللى وداهم هناك" نفس المنطق إنك تبعد عن الموضوع الأصلى.. وتسأل أسئلة مالهاش أى تلاتين دعوة.. على فكرة ساويرس يبقى صاحب أحمد عز وجمال مبارك مين بقى لسه ما اشتركش فى الإيفنت؟؟.
وجاءت تعليقات زوار الصفحة على النحو التالى:
عبير أبو رميلة: كل ما تسلطوا الضوء على شخص معين حييجوا المطبلاتية بتوعه يقولوا ايشمعنى فلان!!ما فيهاش إيشمعنى! كلهم زى بعض، لكن للأسف من كترهم مش قادرين نسلط عليهم الضوء مرة وحدة!! دول عايزين أشعة من الفضاء الخارجى عشان تكفيهم!!ربنا يحميكِ يا مصر وكل بلاد المسلمين من الخونة والفاسدين والمطبلاتية.
حسام على: افضح أى حد فاسد مهما كان انتماؤه السياسى يا أدمن وكلنا معاك وعلى فكرة نجيب ساويرس فلول ومن أكثر المستفيدينمن النظام السابق وأكيد فى وراه ملفات فساد كتير.
أسماء مختار: أى فساد لازم نقف قدامه فى أى وقت مهما كان الشخص ساويرس أو غيره .. ساويرس بيشغل الشباب وبيطلع عنيهم ويكسب من وراهم أد كده .. لو وقفنا أمام الفساد الشباب هتلاقى فرصها الحقيقية بجد.
لكن منى فاروق بدت غير متفائلة بالوصول إلى نتائج حقيقة، حيث قالت فى جداريتها على فيس بوك "فى وجود النائب العام! أعتقد أنه لن يفيد".
وعلى تويتر قال نضال صقر: النائب العام متستر على جرائم النظام بما فيها القتل والفساد ويجب عزله ومحاكمته.