بالصور| "مصر للطيران".. باتت خردة "شهادات حية"

فضحت الناشطة بسنت أسامة ،مهزلة ركوبها إحدى طائرات مصر للطيران ،مؤكدةً أنها اسوأ تجربه طيران واسوأ طاقم فى العالم.
تقول "أسامة" عبر بوست طويل بفيسبوك مؤخرا، الموضوع بدأ ان اول مادخلت الطياره وحطيت شنطي في مكانها قعدت علي الكرسي واتفاجئت اني بأقع من الكرسي لان ببساطه كرسي الطياره بايظ ،والكارثه ان الطاقم عارفين ده كويس وعادي!.

وأضافت: طلبت المضيفة بمنتهى الهدوء وقلت لها المشكلة ردت بمنتهي الاستهتار وهي ماشيه من غير ماتقف حتي تتكلم وقالت بالظبط : (اه هو الكرسي كده فعلا ومفيش بديل عندنا وبتضحك ) ،وأدرفت:قلتلها ايوه يعني انا اعمل ايه انا مش عارفه اقعد مش هافضل واقفه طول الرحلة.


وتابعت: ردت بضحكة استهزاء وهي متنرفزه من شكوتي اللي مش عاجبه حضرتها وقالتلي معنديش حلول !! كأني مثلا بطلب منها حاجه زياده قلتلها نادي المشرف ،ثم جاء المشرف قالي اقوم من علي الكرسي ودخل حط الكوشن مكانها فقط وطبعا ماركبتش ولا اتلزقت لانها بايظه وكان نفس الرد اجمالا اللي هو اتاقلمي الطياره مليانة!!!.

وواصلت فضيحتها لخرابة "مصر للطيران" اتاقلم ليه ،هو انا راكبه ميكروباص ، ازاي شركه محترمه يبقي دي طريقه تعاملها مع الازمات هو ده اللي بتعلموه للموظفين !! هي دي الsafety بتاعة الركاب !! لو ده اللي ظاهر اومال ايه بقي اللي احنا مش شايفينه ....انا كان ممكن موضوعي ده ينتهي لو كان اي موظف عنده فن التعامل مع Angry customer
أو من البداية الكرسي ده ما تحجزوش لحد وتسيبوه فاضي!! مش تحطوا الناس قدام الامر الواقع وتقولولهم معلش اتأقلموا

واختتمت حديثها بقول :انا طلبت من مشرف الطاقم اكتب شكوي وانا في الطياره عشان حقي وحق الراكب اللي بعدي محدش يتعرض لنفس الضرر ده تاني (لان واضح ان الصيانه مابتاخدش بالها من الكرسي ده وفي ناس قبلي اشتكت) قالي حاضر وماجبش حاجه واختفي بقيت الرحله لحد ما وصلنا.