#الكمبيوتر_مزرجن.. ونشطاء: لا يحدث في افتتاح محل عصير

في المؤتمر الأول للشباب المنعقد في شرم الشيخ حدث خطأ فني أثناء تلاوة القرآن الكريم، وتكرر نفس الخطأ الفني في بداية الكلمة التي كان يلقيها السيسي؛ ما دفعه للقول بأن "الكمبيوتر مزرجن".

وتلقف رواد مواقع التواصل الاجتماعي الكلمة، ونصبوا حفلة سريعًا للسخرية من قائد الانقلاب، وبدأت ردود الأفعال تجاهها:

بهية كتبت: مش هعرف أجاوب دلوقتي أصل القمبيوطر مزرجن.

عزيز كتب: الكومبيوتر مزرجن.. عثل يا سيسي.

فيفيان غردت قائلة: هو القومبيوطر مزرجن؟ هخههخخههههخخ پيس يا بلحة پيييس.

الشاعر عبد الله الشريف كتب: افتتاح #مؤتمر_الشباب ويحدث خطأ تقني تافه لا يحدث في افتتاح محل عصير فيقول #بلحة راعي المؤتمر #الكمبيوتر_مزرجن فيصفق جمع الشباب #كوميديا_سوداء.

وعلى نفس الخطى في السخرية من البؤس التكنولوجي كتب هشام إسماعيل: الكمبيوتر مزرجن.. تعالى واتساب.
بتاع دوا تساءل ساخرًا: المؤتمر بدأ من غير قرآن، عشان المايك مزرجن ولا الشيخ مش حافظ.

نجوى وعلى خلفية أغنية يا بتاع النعناع كتبت: يا بتاع النعناع يا مزرجن يا مزرجن.

أما مها فاعتبرت أن سبب العطل هو عدم رضاء الله عن السيسي، فكتبت: السيسي بينكت وبيقول للبنت الكمبيوتر مزرجن ربنا مش راضي عنهم القرآن مش عاوز يشتغل ف المؤتمر الوطني للشباب بده.

محمد فهمي وجد الإجابة عن سؤاله عن سبب الفشل فكتب: وأخيرًا عرفنا سبب اللي إحنا فيه!!.

أحمد رمضان كتب: مزرجن؟ إحنا في القرن ال16؟؟؟ اسمها مهنج يا ولاد الجاهلة.

زينب عادل علقت على الكلمة بقولها: الكمبيوتر مزرجن ولا إيه"... لا حررررتك البلد كلها زرجنت على يددددك.

محمد توفيق ذهب كذلك إلى عدم رضى ربنا عنه فكتب: القرآن مش راضي يشتغل للمرة التانية في مؤتمر الشباب اللي عامله السيسي في شرم الشيخ

والسيسي ضحك وقالهم الكمبيوتر مزرجن.. يظهر ربك مش مبارك.