شاهد.. القرموطي ساخرا: قبل ما تدخلوا الحمام كلموا إثيوبيا تفتح لكم محبس المية

في نبرة تحسر، استنكر الإعلامي الموالي للانقلاب جابر القرموطي حالة الضعف التى تمر بها مصر حاليا في ملف مفاوضات سد النهضة المتعثر مع إثيوبيا متهكما" قبل ما تدخلوا الحمام كلموا أثيوبيا تفتح لكم محبس المية".
بدأ القرموطي برنامجه" مانشيت" على فضائية" أون تي في" تعليقا على فشل الجولة العاشرة من المفاوضات مع أثيوبيا بالتأوه: " آه.. دا اللي كنا خايفين منه... علامة ضعف!.. اللي قالوا رئيس وزراءهم من كام يوم قالك : إن مصر مش هتقدر تحاربنا..طلع المستشار أبو زيد المتحدث باسم الخارجية بتاعتنا قالك: انتو فهمتوا التصريحات غلط!..أووووووبا .. إحنا فهمنا التصريحات غلط..فهمونا انتو التصريحات الصح؟
وأضاف القرموطي" احنا ما بنقولش نضرب ونطربق .. بس مينفعش ببساطة إن إثيوبيا تتحكم في المية اللي جاية لمصر وتتحكم في محبس المية من خلال السد".. يعنى الواحد لما يدخل الحمام يكلم إثيوبيا تفتح له محبس المية؟!
وفي محاولة لتبرير فشل السيسي اتهم القرموطي تركيا بتمويل إثيوبيا بالأموال نكاية في مصر دون أن يقدم دليلا على ذلك رغم أن التقارير الصحفية المصرية أكدت أن دول الخليج "السعودية والإمارات" هي من تمول أديس أبابا وطلب السيسي من الإمارات التدخل للوساطة في ملف الأزمة خلال الأسبوع الماضي وهو ما تجاهله تماما القرموطي في برنامجه ملقيا التهم الجزافية على تركيا.
https://www.youtube.com/watch?v=t6tVhI5qReY