بعد شطبه.. نمرة لجمهوره: مفيش حاجة تقدر تعبر عن حبي ليكم يا جدعان

قدم الفنان حمزة نمرة الشكر لكل من وقف إلى جانبه في محنته بعد أن قامت نقابة المهن الموسيقية بشطبه من العضوية مجاملة للانقلاب العسكري، لكونه يقدم أغنيات مناهضة للنظام الفاشي.
وكتب نمرة -عبر "تويتر"-: "عايز أقول لكم كام حاجة كده أنا باشكر كل حد وقف جنبي في اللى حصل ده.. مفيش حاجة هتقدر تعبر عن حبي ليكم يا جدعان.. أنا ربنا كرمني بيكم ويارب دايماً أفضل عند حسن ظنكم، وكل واحد رغم اختلافه معايا ما منعوش الاختلاف إنه ينصفني، أنتم على راسي من فوق والله".
وأضاف: أشكر مصطفى كامل لتوضيحه موقف النقابة، وده أفضل رد ع الكلام العجيب اللى اتقال عني الأيام اللى فاتت اللى مالوش أي أساس من الصحة، وربنا يعلم أنا عمري ما غلطت في حق حد ولا أسأت لحد، حتى لو حد ظلمني، بأسكت وما بأدخلش في أي سجالات أو معارك لأن دي طبيعتي".
وختم: اللى هيبقى للإنسان هو السمعة الحسنة.. ربنا يكتبها لنا جميعا، أنا مستمر في تقديم الفن اللى أنا بحبه، ومستمر في تقديم الحفلات، وأشوفكم الحفلة اللى جاية إن شاء الله.
وكانت نقابة المهن الموسيقية قررت في 20 فبراير الجارى، فصل المطرب حمزة نمرة من عضويتها على خلفية شكوى تقدم بها أحد أعضاء النقابة ضد نمرة، بسبب غنائه فى قنوات مناهضة للانقلاب مصر.