نصائح المخترع الصغير لمنع مراقبة حسابك على "فيس بوك" و"تويتر"

قدم عبد الله عاصم "المخترع الصغير" والمقيم حاليا بالولايات المتحدة، خوفا من اعتقاله من سلطات الانقلاب العسكري بتهمة التظاهر ورفع شعار رابعة، مجموعة من النصائح لمستخدمي مواقع التواصل الاجتماعي "فيس بوك" و"تويتر" بعد التصريحات الصادرة من وزارة داخلية الانقلاب بشأن مراقبة المواقع.
وكتب عاصم عبر صفحته على موقع "فيس بوك": "فى كلام كتير خرج ان الحكومة المصرية بتراقب الحسابات بس يا ترى الكلام ده صح او هما يقدرو يعملو كده فعلا ؟!"
وأضاف :"فى خاصية جديدة اتفعلت فى الفترة الى فاتت على فيسبوك وتويتر بتخليك تحمل الارشيف بتاعك من عليهم الارشيف ده بيكون متضمن ملفك الكامل على المواقف البوست والرسايل والصور الخ ....ولو معندكش فكرة عن الموضوع ممكن تدخل على
Settings - General - Download a copy of your Facebook data.
قانون CISPA بيجبر الشركات انها تسلم معلومات المستخدمين للحكومات يعنى الحكومة بتقدم طلب لادارة الموقع بتسليم بيانات الشخص فالادارة تقوم بتسليم الحكومة الارشيف الخاص بالشخص والكلام ده بياخد وقت مش فى لحظتها ! يعنى الحكومة ملهاش اى صلاحيات تراقب انت بتكتب ايه دلوقت او تعرف انت بتكلم مين او بتعمل ايه ! هما بياخدو الارشيف بتاعك ويقعدو يدورو فيه وطبعا ادارة الموقع مش فاضية تبعت الارشيف بتاع الشخص كل شوية يعنى مرة بالكتير .
وتابع "الحكومة ملهاش صلاحيات انها تتابع الحسابات الخاصة بالمستخدمين بشكل فورى أو مستمر".
وأكمل نصائحه: "نسأل سؤال مهم الحكومة بتراقب الناس إزاى؟.. أية شخصية بتأثر على الرأى العام وليها آلاف المتابعين أكيد الحكومة بتتابع كل كلمة بتقولها وده لا يخضع تحت مسمى التجسس دى متابعة زى أي متابع ولما الشخصية العامة دى تكتب كلام معارض للنظام ساعتها توجهله مسألة قانونية".
وتابع:" يعنى حضرتك لو عايز تكون بأمان ومن غير أي مشاكل اعمل الخطوات دى.. قائمة الأصدقاء عندك تكون من المعارف الشخصية إلى قابلتها بنفسك.. حضرتك ما تفتحتش المتابعين أو الفولورز وتخلى البوست للاصدقاء فقط.. ما تتكلمش عن كل حاجة بتحصل في اليوم بتاعك.. ماتطلعش أي بيانات شخصية عنك في الرسايل أو في البوست.. وبكده مفيش أي حد هيقدر يتابع انت بتعمل إيه على فيس بوك أو نشاطك أو توجهاتك غير قائمة الأصدقاء وبس".
يذكر أن عبد الله عاصم المخترع المصرى الذى لم يكمل عامه الثامن عشر، الحاصل على المركز الأول فى أكثر من محفل علمى محلى، وكان آخرها مسابقة "إنتل" للعلوم، التى أتاحت له فرصة تمثيل مصر أمام 60 دولة فى مسابقة "إنتل" العالمية، والتى عقب انتهائها وإعلان نتائجها النهائية وعدم حصوله على مركز بها، قرر عدم العودة مجددا إلى مصر، خوفا من قضاء بقية حياته داخل سجون الداخلية المصرية.
وكان الطالب الذي اخترع جهازا يساعد المعاقين على استخدام الحاسوب عبر نظارة لا تتكلف أكثر من مائة جنيه (15 دولارا) اعتقل الشهر الماضي بتهمة التظاهر دون تصريح وإحراق سيارة أحد الضباط قبل أن يطلق سراحه لاحقا ويمنع من السفر.
لمتابعة صفحة عبد الله عاصم
https://www.facebook.com/AbduAllahAsem?fref=ts