بالفيديو.. السيسي: "مش هعلن عن برنامج علشان الأمن القومي"!

في مشهد مسرحي جديد يكشف حقيقة عقلية صاحب الهاشتاج، قال قائد الانقلاب عبد الفتاح السيسي إن برنامجه الانتخابي أمن قومي ولا تجوز مناقشته على الهواء!
وفي إجابة على سؤال حول برنامجه خلال حواره مع قنوات "دريم والنهار والحياة" قال السيسي مخاطبا الإعلامي خالد صلاح: "يا خالد، انت شفت مرشح قبل كده قدم خطة خمسية أو سنوية للبلد وأعلنها في الإعلام؟"!! فرد خالد صلاح: "انت خايف تعلنها لأسباب معينة؟" فأجاب السيسي: "يا أستاذ خالد ما تنساش إن مفيش حد قبل كده أعلن الجداول والتفاصيل بتاعة المشاريع، يعني انت شفت حد طرح الخطط الخمسية أو السنوية للدولة على الهوا؟ مش عوزين نغفل الأمن القومي، لكن ده مش معناه إننا بنخبي حاجة"!!!.
ولما سألته الإعلامية لبنى عسل عن التفاصيل، قال: "مثلا إحنا هنعتمد على مشروعات الطاقة الشمسية، لكن التفاصيل مش ممكن نعلنها، يعني نعمل كام محطه وبكام"، فسأله صلاح: "يعني انت خايف تعلن عن مشروع في مكان معين في المنيا أو مرسى مطروح؟" فأجاب: "حتى الطرح ده خطر، كأنك بتشاور لحد، مينفعش كده"! فسأله مجددا: "علشان كده مش عاوز تقول تفاصيل؟"، فاسترسل قائد الانقلاب: "مينفعش نقول تفاصيل كتير، فين وبكام ومنين" فسأله: "انت حاطط عينك على التربص؟" فقال: "طبعا، هما مش بيقولوا إن الناس هتطلع بعد سنتين تاني؟" فسأله الإبراشي مجددا: "دي بقى مسائل أمن قومي؟" فأومأ السيسي برأسه موافقا ومؤكدا.