عبدالله بدر يعتذر عن الظهور عبر شاشات الفضائيات مجددا: كفاية عليا "مسجدي" اتكلم فيه بالطريقة اللّي تريحني

أثناء مناقشة برنامج "في الميزان" على فضائية "الحافظ" الأداء الإعلامي على الساحة حاليا، اتصل أستاذ التفسير والقرآن بجامعة الأزهر، عبد الله بدر، ليصف نفسه بأنه رجل حاد الطبع، وأضاف "طول ما الناس قليلة الأدب موجودة هكون حاد الطبع وهرد عليهم بحدة الطبع".
كما أعلن عبدالله بدر اعتذاره عن الظهور مجددا على شاشات التليفزيون، وقال موجهاً كلامه إلى مذيع البرنامج، عاطف عبد الرشيد وضيوف برنامجه "إكراما ليك أنا أعتذر عن تقديم أي برامج في القناة، وأعتذر عن الظهور فى التلفزيون خالص، ومكتفى ب(مسجدى) اللي بتكلم فيه بالطريقة اللى تريحني، أنا عارف الإسلام بيقول إيه وعارف آداب الإسلام كويس، وهسيب القناة للناس الطيبين اللي زيكم اللي بيحسنوا التعبير، عشان احنا بنسيء التعبير". فرد المذيع عاطف عبد الرشيد عليه بقوله "إحنا مانستغناش عنك يادكتور، أنت قلت أنا حاد الطبع، ولعلها تكون غضبة"