بالفيديو| بكري قبل انتخابات "دعم مصر": "نزيهة".. وبعدها: "مزورة"

استنكر الكاتب الصحفي مصطفى بكري، عضو مجلس النواب، نتيجة الانتخابات الداخلية لائتلاف "دعم مصر"، على منصب وكيلي البرلمان، والتي أعلن خلالها فوز نقيب الأشراف محمود الشريف، وعلاء عبدالمنعم.
وفي بداية الفيديو، ظهر بكري، قائلًا: "الرئاسة كانت لازم تطلع كتلة واحدة مش أكتر من كده علشان يكون مركزنا قوي، وأنا بعتقد إن الروح السائدة هي روح واحدة، والكل اتفق على الدكتور علي عبدالعال رئيسا للبرلمان، والانتخابات شغالة والموضوع منتهي".
وبعد دقائق من الفيديو، ظهر النائب مصطفى بكري، غاضبًا، وقال: "أنا ليس لي علاقة بالائتلاف.. ومن الصبح عمالين يقولوا عاوزين فلان وفلان، وكان فيه تدخل من جهات معينة، وانتهى زمن التوجيهات، وأنا هترشح بكره على منصب الوكيل حتى ولو أخدت صوت واحد بس".
فيما تدخل أحد النواب لتهدئة "بكري" ليباغته الأخير بسؤال: "سيادة النائب إنتوا مش قولتولي من الصبح إن فيه تعليمات وأنت نائب وبلغك إن فيه تعليمات"، حتى رد النائب، قائلًا: "ده كلام بيتداول بين النواب ومش عارفين إيه الصح".
وقال له بكري: "لحد دلوقتي مطلوب إن فلان وفلان لازم ينجحوا"، مؤكدًا: "الصناديق كانت موجودة، ومحدش كان عارف مين بيحط إيه ولا إيه القواعد التنظيمية الموجودة جوه، ومحدش كان ضامن مين اللي بيصوت".