نشطاء "تويتر" عن "هدوم الشتا": "هوصلك حتى لو عارف اني ممكن اموت"

دشن عدد من نشطاء موقع التواصل الاجتماعي "تويتر"، هاشتاجا ساخرا" بعنوان "كلمة لهدوم الشتا"، الذي احتل قائمة أعلى الهاشتاجات تداولًا على موقع التدوينات القصيرة، للتهكم على ارتفاع اسعار الملابس الشتوية.
وكتب عمرو ساخرًا: "هوصلك حتى لو عارف اني ممكن اموت"، بينما قال إسلام: "إيه ده، الواحد نزل يجيب سويت شيرت يقولي ب200 جنيه، ده انا اروح فيكوا في داهية".
وعلق محمد فتحي: "ليه الأسعار دي، ليه اللي بتعمله فينا ده كله"، بينما تهكم رامي معلقًا: "الواحد مش عارف الرقم اللي على الهدوم الشتوي السعر ولا الكود"، كما كتبت ريهام: "طيب نسرق ولا نبيع بودرة".
وقال سيد: "تطير انت في العالي وما نوصلك يا غالي"، بينما كتب عصام: "الحمد لله ان عندنا هدوم وغيرنا في البرد معندوش اللي يستره ويدفيه، لا تنسوا الفقراء ولا تفقدوا الرحمة"، وأضافت إسراء: "حسبي الله ونعم الوكيل".