هنا شيحا تنهار من البكاء: «اللي بيحصل في غزة فوق الوصف»

انهارت الفنانة هنا شيحا من البكاء خلال حديثها عن الجرائم التي ترتكب في حق الشعب الفلسطيني من قبل قوات الاحتلال الإسرائيلي من خلال فيديو عبر صفحتها الخاصة على موقع الصور الشهير إنستجرام.
هنا شيحا تدعم الشعب الفلسطيني
وقالت الفنانة هنا شيحا خلال الفيديو: «أحب أبقي وشي أحلى من كدا وأنا بكلمكوا أحب أصبغ شعرى أحب أعيش حياتي بشكل طبيعي أحب أنام بليل من غير مقوم مخضوضة في نص الليل مبعرفش أنام من كتر المناظر اللي بنشوفها كل يوم المؤلمة المرعبة اللي محدش يتمنى يكون مكان الشعب دا ولا الأطفال دي ولا الأمهات دي التخيل بس أن أنت مكانهم وفيه قهر علينا».
View this post on Instagram
A post shared by Hana Shiha (@hanashiha)
وتابعت هنا شيحا: «التفكير بقي في كيفية المساعدة ازاي نساعد أننا نفضل نتكلم عن الموضوع ونفضل ننشر ونساند بكل طريقة ممكنة اللي يقدر يساعد بدواء أو بهدوم أي حاجة الناس طلباها الناس بقيت معدمة ماشين فى الشارع، فيه مليون طريقة ممكن نساعد بيها ومليون مؤسسة عندنا بتبعت مساعدات لحد غزة خلينا كلنا نساعد باللي نقدر عليه».
ودخلت الفنانة هنا شيحا في نوبة بكاء قائلة: «يا رب يا رب الأزمة دي تنتهي على خير بدون قصف تاني من غير إبادة أكتر من كدا لأن اللي بيحصل دا فوق الوصف وفوق تحمل البشر لكى الله يا غزة وحسبي الله ونعم الوكيل ربنا معاكم».