م الآخر| يوميات موسيليني وعطية.. "صاحبة الآللو" (45)

كنت قولتلكم إن موسيليني جاله تيليفون من بنت، وعملت ساسبنس بعدها وقولتلكم "يتبع".. المهم البنت دية كانت فوففا.. ودية كانت بقيت المكالمة
هي: أنا مش هقولك أنا مين غير لما أشوفك
موسيليني: نعم ياختي!! بقولك إية أنا مليش في الحوارات دية، يا تقولي إنتي مين وعايزة مني إية وتنجزي، يا إما هرزع السكة في خلقتك
هي: إية دة دانت جامد أوي لأ حقيقي ليها حق عطية كانت تحبك!
موسيليني وقتها حس إنها فوففا أنتيمة عطية.. حس من أسلوب كلامها الرخيص.. موسيليني كان متأكد إن عطية مبتخبيش حاجة على فوففا فأكيد حكتلها إنهم سابوا بعض.. وفعلاً وقتها موسيليني إستنتج إن عطية زقت صاحبتها عليه، عشان تصالحهم على بعض أو هو مش إستنتج هو إتمني إن يكون دة سبب مكالمة فوففا ليه.. ودة اللي فرحه جداً.. المهم رد عليها وقتها وقالها: فوففا إنجزي
هي: عرفت منين يا خبيث؟
موسيليني: خلصي عايزة إية!
فوففا: لازم أقابلك عشان موضوع يخص عطية.
وهنا موسيليني بقي يتنطط من الفرحة.. فوففا كانت ذكية وقالتلة كلمة السر اللي تخلية يقولها "آمين" علي أيحة هي تطلبها.. موسيليني طبعاً بعد ما سمع كلمة عطية بقي مستعد يروح لفوففا جري! فرد عليها وقالها: طيب أوكي تحبي أجيلك دلوقتي؟
فوففا: لأ دلوقتي نو واي! لأ بابي يأفش (بابي ظهر حمدلله علي سلامتة) بص عدي عليا بكرة الساعة 9 بليل و أنا هنزللك
موسيليني: قشطة.
قفلت معاة فوففا من هنا و هووووب جري علي الواتس آب بعتت لبيسو الإبليس: هالو يا بيسو
إبليس: هاي سويتهارت..عملتي إية مع موسيليني؟
هي: كلو مشي تمام يا حبي.. وأخدت منه ميعاد بكرة الساعة 9
إبليس: ريللي؟؟
هي: عيب عليك يا بيس دة أنا فوففا المزة دة الواد مخدش في إيدي غلوة.. طب تصدق!! كان هيموت و يجيلي دلوقتي! تخيل دلوقتي!
إبليس: أموت فيكي يا مزة! المهم بكرة عاوزك تنفذي الخطة اللي إتفقت معاكي عليها، وآه.. كمان فوففا پليز مش تنسي تلبسي التوب الأبيض المفتوووووح أوي علي الأسترتش الأبيض الشفاف دا اللي هوا ضيق طحن ها؟ عايزك تهبلية
طبعاً أنا عارفة إنكوا مستغربين جداً لية إبليس عاوز يظبط موسيليني مع فوففا و نفض لحوار رنا خالص اللي حصل إن بيسو الإبليس.
يتبع