زوجة عم رامي للسيسي: "أقعد مع ولادنا اللي بيموتوا.. أنت مش أحسن منهم"

بوجه حزين، وعيون غمرتهما الدموع، قالت والده الشهيد رامي: "ابنى مفرحش، وكان نفسه يخطب، كان نفسي أرقص فى فرحه وأزفه لعروسته، ولكن أحلامى باتت سراب، وسكن الحزن والقهر قلبي، وبقيت لا أري سوي صورة نجلي وفلذة كبدي".
تتوقف الأم المكلومة للحظات، ثم تستكمل حديثها قائله: "لم أرى ضناي منذ شهر، وحشني أوي ونفسي أخده فى حضني وأقول له حمد الله على سلامتك يا حبيبي".
وتستكمل الأم قائلة: "شيلت كفنك وكفن ولادك يا سيسى على أيدك، ولحد دلوقتي لم نرى القصاص من القتله، برد قلوبنا وحاكم القتله عسكريًا وأعدمهم وأحرق قلوبهم زي ما حرقوا قلوبنا".
بدورها قالت عمه الشهيد: "أخر مرة كلمني رامى كان الخميس الماضي، وقال لي أنا كفني على أيدي ياعمتي أدعيلي، كان نفسي أروح أشوفه وأطمن عليه، خاصة وأنى مقيمه ببئر العبد بالعريش، وحاولت الاتصال به ولم يجيبني، قلبي أتقبض وشعرت أني لن أراه مرة أخري".
فيما وجهت زوجة عم الشهيد رسالة للرئيس السيسى قائله: "آخره اللى بيحصل لولادنا ده أيه، مفيش محاكمات عادلة، والقتلة عايشين وولادنا اللى بيروحوا غدر، روح أقعد أنت وولادك مع ولادنا اللى بيموتوا فى مناطق الحرب، أنت مش أحسن منهم".