جهاز طوارئ ب13 ألف جنيه لفتح «الأسانسير» أثناء انقطاع الكهرباء

الانقطاع المتكرر للتيار الكهربائى وإصابة عدد كبير من السكان بالإغماء داخل «الأسانسير» بعد توقفه، دفع اتحاد ملاك أحد العقارات بمدينة 6 أكتوبر إلى تركيب أجهزة طوارئ خاصة بالمصاعد، تساعدها على الوقوف فى أقرب دور فى حالة انقطاع التيار الكهربائى، وفتح أبوابها لخروج من بداخلها.
«الكهرباء بتقطع كتير وفيه سكان بيتقطع عليهم النور وهما فى الأسانسير وحياتهم بتكون معرضة للخطر، خصوصاً لو كان فيه أطفال»، قالها سيد عبدالعزيز، رئيس مجلس إدارة اتحاد الشاغلين بالعقار، لافتاً إلى أن سعر الجهاز بعد إضافة 10٪ ضريبة المبيعات وصل إلى 13 ألفاً و420 جنيهاً: «هنعمل إيه ما باليد حيلة، مضطرين يدفعوا أصل الموضوع شكله مطول».
وجه «عبدالعزيز»، رسالة إلى سكان العقار لإخلاء المسئولية عنه قائلاً: «لو مش هتدفعوا يبقى مش مسئوليتنا واتحبسوا وما يهمناش». عماد السيد، أحد سكان العقار، أكد أنه ليس لديه بديل عن الدفع، حيث إن أطفاله هم الآخرون معرضون لانقطاع التيار داخل المصعد: «نفسى أعرف نهاية اللى إحنا فيه إيه، الناس مضغوطة، ومش حمل ضغوط فوق طاقتها»، مشيراً إلى أن انقطاع التيار يتسبب فى وقف مصالح المواطن البسيط متسائلاً: «هو الراجل الغلبان اللى شغال شغلانة بالكهرباء، لما النور يقطع 5 أو 6 مرات فى اليوم المفروض نستنى منه إيه؟».