اللي باقي منها

لما ضاقت بينا قلنا
يا للي فوق ما تحلها
لما حققنا ف وشوشنا
و اللي باين منها
شفنا إيه مكتوب لها
شفنا خوفنا في الضلوع
و اللي قايم من وقوع
و اللي تايه ف الرجوع
و اللي خنقاه الدموع
و اللي شايل روحه
يحمي اسمها ....
نفسي اعرف مره واحده
إمتي كنا أمه واحده
و لا إمتي هنبقي وحده
و لا دا أسطول كلام
كل مره ينهزم
يرفع شعارات السلام
و لا شمعه وسط ريح
و لا دا عصفور جريح
وسط أمواج الليالي
يتخنق يغرق في همه
يملي موج البحر دمه
حتي ع الشط أما لمو
كل حته من عضامه
يبقي باقي من كلامه
إنه قال إنه أبنها
حتي أنا بشتاق لها
يبقي أنا ...
أيوه أنا ... اللي باقي منها ... ؟