إنتى أكتر حل سلمى

إنتى أكتر حلّ سِلمى
مُحترف معنى المقاومة
لسّه شايف فيكى معنى
مختلف.. برّه المساومة
لسّه إنتى كل حِلمى
وإنتى أكتر حل سلمى
معترف ب الروح ف بكرة
واللى فيكى قلوب محبّة
مش هاييجى يوم وتكره
مانتى أكبر حلّ سِلمى
إتولد جوّه الهتاف
إنتى طمّنتى اللى خاف
والدليل على حدّ عِلمى
إن من يوم ما ابتدينا
مالقيتيش ف قلوبنا غير
صوت ب يهتف ب الأمل
حب ل عنيكى ب ضمير
ياللى ف ترابك بداية
كل يوم بنعيشه فيكى
بنكتشف
لسّه حبك ما ابتداش
مانتى أكتر حلّ سِلمى
إتولد.. والمعنى عاش