دعاية غير تقليدية: «موتوسيكلات السيسى» فى وسط البلد.. و«اسأل صباحى» بالمعادى

مبادرات شبابية تساعد المرشحين الرئاسيين للوصول إلى الشارع

بعيداً عن الدور التقليدى فى الدعاية الذى يقدم عليه أفراد حملات المرشحين فى الانتخابات الرئاسية، قررت مجموعات من الشباب أن تروج لمرشحها مبتكرين طرقاً خاصة فى تأييده، بين وسط البلد والمعادى تراوحت مبادراتهم.
«جمال، ومحمد، وعلى»، 3 أصدقاء أرادوا التعبير عن حبهم الشديد للمشير السيسى: «لبسنا تى شيرتات عليها صورته وتحيا مصر، ولفينا بالموتوسيكلات وسط البلد كلها لحد الفجر».
اعتاد «جمال» وأصدقاؤه أن يجوبوا شوارع وسط البلد يومياً، منذ أعلن المشير السيسى ترشحه رسمياً، يرون فيه مستقبل مصر: «بنتجمع بالليل بعد ما بنخلص شغلنا عشان ننزل الشوارع ونوصل للناس اللى متعرفش السيسى كويس، إحنا معاه من أول ما وقف جنبنا وخلصنا من مرسى وجماعته»، مضيفاً: «اخترنا وسط البلد عشان فيها ناس كتير ومن كل الفئات، بس بيبقى هدفنا نوصل للناس الغلبانة اللى بينضحك عليهم دايماً، عشان نشجعهم ينزلوا ينتخبوا وإن صوتهم أمانة حتى لو مش للسيسى».
على مسافة بعيدة، وقفت آية محمد فى شوارع منطقة حدائق المعادى، تمسك بين يديها لوحة ورقية كتبت عليها «#اسأل _ حمدين» وأقلاماً ملونة، قررت الشابة العشرينية من خلالها أن تؤيد مرشحها الرئاسى «صباحى»: «حاولت أعمل حاجة جديدة عن اللى بتعمله حملة صباحى، فقررت أنزل الأماكن اللى فيها الناس اللى معندهمش كمبيوتر ولا نت، وأوصل لهم عن طريق الورقة والقلم، منها أعرفهم صباحى قد إيه بيحب البلد عشان نزل من تانى وعايز مصر أحسن بلد فى الدنيا».
وأضافت «آية»: «فيه ناس اتجاوبت معايا وحبت الفكرة، وبقيت أطلب منهم يكتبوا اللى عايزين يسألوه فيه حتى لو مش هينتخبوه، المهم إن صوتهم يوصل لحمدين ويعرف اللى الناس محتاجاه، وده سبب نزولى الشارع عشان لقيت انتخابات السنة دى معتمدة بشكل كبير على النت اللى فيه ناس كتيرة مش بتعرف فيه ولا عندها أساساً».
أخبار متعلقة
سياسيون يرصدون «الشبه والاختلاف» بين «السيسى» و«صباحى»
تصويت المصريين بالخارج: بدء فرز أصوات نيوزيلندا ودول شرق آسيا.. وعدد الناخبين يتجاوز 297 ألف ناخب
المصريون يجبرون الإخوان على الانسحاب فى «واشنطن»
اتجاه جديد فى التصويت: بلاها المقاطعة.. اتفرج على المرشح وخد قرارك
خلافات فى الدعوة السلفية و«النور» حول الانتخابات.. و«عبدالعظيم» يفتى ببطلانها
معركة المحافظات: إصابة 8 فى اشتباكات بين أنصار «صباحى» والإخوان بالبحيرة
بعثة الاتحاد الأوروبى تعلن المراقبة على «أوسع نطاق ممكن»
«السيسى» يدعو المصريين للاحتشاد أمام صناديق الاقتراع فى كلمة مصورة قبل «الصمت الانتخابى»
«صباحى» يختتم جولاته من سوهاج وحملته تحشد للمؤتمر الختامى فى «عابدين»