فواز: مش بقابل الهجوم على السوشيال ميديا بلطف.. المقسوم هيكون

قال الفنان صبري فواز، إنه حاد جدًا في مواقع التواصل الاجتماعي، موضحًا: "في ناس بتتخانق معايا عشان بقول رأيي، محدش يتخانق معايا".
وأضاف خلال حواره مع المخرجة إيناس الدغيدي، مقدمة برنامج "شيخ الحارة والجريئة"، الذي يذاع على قناة القاهرة والناس: "أنا ضد فكرة إن الفنان يتعامل بلطف بالشكل ده مع التجاوزات، الفنان على طبيعته والمقسوم هيكون لك، أنا مش بجمل نفسي، أنا جميل لوحدي، لازم الناس تشوفني على حقيقتي، أنا بغضب وبتضايق، وزي ما برد على ناس بحدة ساعات، برد على ناس بجمال وبقول حاجات حلوة".
وحول ما إذا كان شارك في بعض الأعمال على سبيل المجاملة مثل مولانا، لكي يضمن مكانه على الساحة، وقال: "أنا مش بشتغل عشان أفضل موجود على الساحة، أنا كنت بشتغل حاجات كبيرة، وبعدها بشتغل بأدوار صغيرة محبة، واشتغلت من غير أجر في مولانا ومسلسل الجماعة الجزء الأول، ومستعد أعملها تاني وتالت، ورشدي أباظة كان ضيف شرف في فيلم".