السيسي: مش عاوزين نفقد نجاحات مكافحة كورونا وناخد إجراءات أكثر قسوة

قال الرئيس عبدالفتاح السيسي، إنه خلال الأسبوع الأول لانتشار فيروس كورونا بمصر في الفترة ما بين 6 إلى 12 مارس الماضي، كان عدد المصابين 80 إصابة وحالتي وفاة، وبعدها تطور الأمر ليصبح 176 حالة و5 حالات وفاة، أما الأسبوع الثالث فقد شهد 293 إصابة و17 حالة وفاة، والأسبوع الرابع شهد 370 إصابة و34 وفاة.
وأضاف خلال كلمته بمناسبة عيد تحرير سيناء: "خلال الأسبوع الخامس في الفترة من 3 إلى 9 أبريل، كان إجمالي الإصابات 834 إصابة و60 حالة وفاة، وفي الأسبوع السادس جرى تسجيل 974 إصابة و87 حالة وفاة، وفي أول أيام الأسبوع السابع جرى تسجيل 846 إصابة و75 حالة وفاة".
وتابع: "بقول الكلام ده عشان نكون منتبهين إننا لو كنا حققنا نجاح في الفترة اللي فاتت مش عاوزين خلال الأسابيع القليلة القادمة نفقد اللي احنا فيه، داخل علينا شهر رمضان والحركة هتزيد، وأنا بقول خلونا نتعامل مع الفيروس بالشكل اللي ميفزعش المصريين وميوقعش بهم خسائر".
وأضاف: "من فضلكم انتبهوا معانا وساعدونا أكتر، اهتموا بثقافة التباعد والبعد عن التجمعات في وسائل النقل والمواصلات وأساليب التطهير والتعقيم، عشان نفضل محققين المعدل اللي ميعملش فينا أثر كبير، ولو الأمر تطور هنضطر نعمل إجراءات صعبة وقاسية أكتر من كده بكتير".
وأضاف: "الكلام لينا كلنا، من فضلكم ننتبه لهذا الأمر ونحرص بشكل أكبر".