"الإخوان" تدّعي أن "تاجر مخدرات" من مسطرد وراء قتل جنود الجيش بسبب "الثأر"

نقلت وسائل الإعلام التابعة لجماعة الإخوان الإرهابية، من بينها موقع "إخوان سيناء" الإلكتروني، رسالة وصلت لحقوقي يُدعى هيثم أبوخليل، تابع للجماعة، وهو من سكان منطقة مسطرد، ادّعى من خلالها أن "عائلة من منطقة مسطرد وراء مقتل الجنود الستة خلال الحادث الإرهابي اليوم".
وقالت وسائل الإعلام الإخوانية: "نشر الحقوقي هيثم أبوخليل رسالة وصلته تكشف عن حقيقة قتل جنود مسطرد، وأن الشرطة هاجمت فرحًا لتاجر مخدرات وقتلت اثنين من ضيوفه فقام بالثأر وقتل جنود الكمين"، وجاء في نص الرسالة:
"حضرتك بخصوص ال6 مجندين اللي ماتوا النهارده في مسطرد والبيان اللي طلع بتاع أنصار بيت المقدس إنهم هما اللي قتلوا المجندين دوول، الموضوع كله إن شوية بلطجية تبع عيلة واحد تاجر مخدرات في مسطرد، اسمه أشرف، الشرطة دخلت الفرح اللي تبعه يوم الخميس قتلت اتنين من اللي معزومين في الفرح دول وكانوا بلطجية برضو، وخدت أشرف ده ومشيوا وأهالي أشرف بهدلوا الشرطة وضربوهم وكده، بس الشرطة خدت أشرف ومشيت يوم الخميس".
وتابع في الرسالة: "ويوم الجمعة جه لواء وعقيد من الجيش ولواء شرطة ورئيس مباحث قسم ثاني شبرا الخيمة، وعملوا قعدة مع عيلة أشرف ده علشان يسووا الموضوع ويراضوا أهالي الاثنين اللي ماتوا، والقعدة كانت بجوار حي شبرا الخيمة قسم تاني، بس موضوع الصلح ما انتهاش على خير والجيش خد خمسة من اللي كانوا قاعدين معاهم وحطوهم في البوكس ومشيوا والنهاردة الصبح عيلة أشرف ده ضربوا نار على الكمين وقتلوا ال6 مجندين دول.. دي كل الحكاية".