أحمد موسى يعرض تسريبا لإخوان يخططون لاقتحام التحرير: أهم حاجة المفاجأة

أذاع الإعلامي أحمد موسي، تسجيلا صوتيًا لأعضاء تابعين لجماعة الإخوان الإرهابية، وهم يخططون لاقتحام ميدان التحرير، تزامنًا مع دعوات المقاول الهارب بالتظاهر، وذلك خلال تقديم برنامج "على مسئوليتي"، عبر شاشة "صدى البلد".
وقال أحدهم، موجهًا تعليماته للشخص الآخر: "هتدخل عن طريق الفيس ونشوف الجروبات، الناس المعارضة هنشوف صفحاتهم ونتأكد إنهم معارضين، نبعت على الخاص السلام عليكم وتكتب له في الكومنتات شوف الخاص ولما يرد هتقوله إحنا مجموعة شباب منظمين حاجة في سرية وتنزل التليجرام وشيل صورتك اللي فيها ارحل".
وأضاف: "غير اسمك زي ثائر حر مش عاوزين حاجة ملفتة للنظر بعد كده تقول إننا استفدنا من محمد علي إنه شال من عندنا فكرة الإخوان فاحنا عاوزين نجمع نفسنا في سرية تامة أهم شيء عنصر المفاجأة مينفعش نقول للحكومة هننزل يوم كذا أكيد هيعارضونا، فهبعتلك لينك الجروب يكون مقفول فيه الدردشة لحد ما نجمع الناس لو عندك أدمن تقدر تبعتلهم ويكون موثوق منهم وهنشتغل على القاهرة والجيزة بس غير كدة مفيش مشكلة وخليه يمسح الرسالة من ماسنجر".
وتابع نفس الشخص: "أنا هبعتلك لينك بتاع جروب عرفت وكنت موجود وهنجمع الناس إزاي والخطة، الجروب اسمه القاهرة الكبرى، فيه ناس كتير ملهمش في الإنترنت، عاوزين نجمع عدد يشجع الناس، لو جمعنا على التلجرام بيشيل 200 ألف لو جمعنا 50 ألف حلو أوي، هتفرق معانا وهنلم من الشوارع ونقتحم التحرير".
واقترح شخص آخر، التجمع في أماكن بمحيط ميدان التحرير، بشرط ألا تكون موجود قوات الأمن متواجدة فيها، حيث سيجري تصوير هذه المظاهرات، لكي تنقلها قناة الجزيرة القطرية، وبعدها تتفرق التظاهرات، حيث كان من المقرر أن تجرى هذه الممارسات على مدار الأسبوع حتى الجمعة الماضي، لتحريض المصريين على التظاهر.