أديب منتقدا إعطاء إجازة للمرأة أثناء الدورة الشهرية: "عاوزين مساواة"

قال الإعلامي عمرو أديب، إن إحدى الشركات في مصر أعطت للعاملين لديها من السيدات راحة في موعد الدورة الشهرية، وأن الشركة أقدمت على هذا الفعل إيمانًا منها بشعورها بالألم الذي تشعر به المرأة في هذه الفترة، مضيفًا: "هما أحرار، الشركة دي آخرها يكون فيها 14 فتاة بس، مش عاوزينها تبقى مشكلة عامة".
وأضاف "أديب"، خلال تقديمه برنامج "الحكاية"، الذي يُعرض على قناة "MBC مصر": "فجأة يا مؤمن السوشيال ميديا تتكلم عن مطالبة كل الشركات والمصالح الحكومية تعمل كده، يعني عاوزين الستات يشتغلوا 3 أسابيع وياخدوا أجازة أسبوع، فين الكلام ده بره مصر، مش موجود خالص".
وتابع: "طب وبالنسبة للراجل نديله أجازة بتاعة إيه، فين المساواة، دي دولة نامية ولا نايمة ده غير أجازة الوضع والرضاعة، بره المرأة الآن تعمل في القوات المسلحة وتقاتل في الكثير من الجيوش، مجاتش تقول معلش الأسبوع ده مش فاضية عشان عندي ظروف".
وواصل: "إحنا عاوزين مساواة بجد معاهم، السيدات بيجلهم دورة شهرية، والرجالة مطلوب منهم مصاريف شهرية".